قازاقستاندىق دەلەگاتسيانى قازاقستان پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى, امىرلىكتەر تاراپىن – ءباا ەنەرگەتيكا جانە ينفراقۇرىلىم ءمينيسترى سۋحەيل ءال مازرۋي باسقاردى.
وتىرىس بارىسىندا ەكىجاقتى ساۋدا-ەكونوميكالىق قاتىناستاردىڭ جاڭا باعىتتارى مەن اۋىل شارۋاشىلىعى جانە ازىق-ت ۇلىك قاۋىپسىزدىگى, ينۆەستيتسيالار, ەنەرگەتيكا, لوگيستيكا جانە كولىك, عارىش, تسيفرلى تەحنولوگيالار جانە يننوۆاتسيالار, دەنساۋلىق ساقتاۋ, ءبىلىم, ەڭبەك, تەحنيكالىق رەتتەۋ جانە ستاندارتتاۋ, گەولوگيا, تۋريزم, مادەنيەت سالالارىنداعى ىنتىماقتاستىق پەرسپەكتيۆالارى تالقىلاندى. سونداي-اق قازاقستان مەن ءباا اراسىنداعى شارتتىق-قۇقىقتىق بازانى ودان ءارى دامىتۋ ماسەلەلەرى قاراستىرىلدى.
تاراپتار ەكى ەل اراسىنداعى ساۋدا-ەكونوميكالىق جانە ينۆەستيتسيالىق قاتىناستاردى دامىتۋ, سونداي-اق ەكسپورتتىق الەۋەتتى ارتتىرۋ ماقساتىندا ساۋدا ميسسيالارىن, بيزنەس-فورۋمداردى جانە باسقا دا بىرلەسكەن ءىس-شارالاردى وتكىزىپ تۇرۋ جونىندە ۋاعدالاستىققا قول جەتكىزدى.
پىكىر الماسۋ بارىسىندا تاراپتار ساۋدا ميسسيالارىن, بيزنەس-فورۋمداردى جانە باسقا دا بىرلەسكەن ءىس-شارالاردى كەزەڭ-كەزەڭىمەن وتكىزۋگە كەلىستى. سونداي-اق جاساندى ينتەللەكت, تسيفرلى ەكونوميكا سالاسىنداعى ىنتىماقتاستىقتى نىعايتۋ جانە بىرلەسكەن جوبالاردى ازىرلەۋ تۋرالى ۋاعدالاستى.
ونلاين-كەزدەسۋدىڭ قورىتىندىسى بويىنشا ۇكىمەتارالىق كوميسسيانىڭ 8-ءشى وتىرىسىنىڭ حاتتاماسىنا قول قويىلدى.
«ەگەمەن-اقپارات»
