فوتو: Wakil Kohsar / AFP
بۇل تۋرالى ريا نوۆوستي ناتو مەن «تاليبان» راديكالدى قوزعالىسىنىڭ (قازاقستان مەن باسقا ەلدەردىڭ اۋماعىندا تىيىم سالىنعان ۇيىم) وكىلدەرىنە سىلتەمە جاساپ حابارلايدى.
اگەنتتىكتىڭ مالىمەتىنشە, تاليبان وكىلى ادامداردى اۋەجاي ماڭىنا جينالماۋعا, ەگەر ۇشۋعا قۇقىعى جوق بولسا, ۇيىنە قايتۋعا شاقىرعان.
«اۋەجايداعىلارعا زيان كەلتىرگىمىز كەلمەيدى», دەدى قوزعالىس وكىلى.
اسىرەسە سوڭعى اپتالاردا اۋعانستانداعى جاعداي كۇردەلەنە ءتۇستى.
15 تامىزدا اۋعانستان پرەزيدەنتى اشراف عاني وتستاۆكاعا كەتىپ, ەلدەن كەتتى. وسىدان كەيىن تاليبان كابۋلعا كىرىپ, پرەزيدەنتتىك سارايدى باسىپ الدى.
كەيىنىرەك اۋعانستاننىڭ ەكس-پرەزيدەنتى ءباا-دە ەكەنى بەلگىلى بولدى.
قازىرگى ۋاقىتتا اۋعانستاننان قۇرلىقتاعى شەكارا بەكەتىنىڭ بارلىعى تاليبان سودىرلارىنىڭ باقىلاۋىندا.
كابۋل اۋەجايىندا جوسپارلى رەيستەردىڭ توقتاتىلۋىنا بايلانىستى حاوس پايدا بولدى. ادامدار كەز كەلگەن جولمەن ەلدەن كەتۋ ءۇشىن ۇشاقتىڭ دوڭگەلەگىنە جابىسا باستادى. شەتەلدىك قىزمەتكەرلەر مەن شەتەلدىك ميسسيالاردا جۇمىس ىستەيتىن اۋعاندىقتاردى ەۆاكۋاتسيالاۋ كابۋلداعى جالعىز اۋەجاي ارقىلى جۇزەگە اسىرىلادى. ونى اقش پەن ناتو باقىلاۋدا ۇستاپ تۇر.
18 تامىزدا قازاقستان رەسپۋبليكاسى اسكەري-اۋە كۇشتەرى اۋعانستاننان 42 ادامدى ەۆاكۋاتسيالادى.
سونىمەن قاتار بۇۇ-نىڭ اۋعانستانعا كومەكتەسەتىن اگەنتتىگى (UNAMA) قىزمەتكەرلەرى بار العاشقى بورت الماتىعا كوشىرىلدى.
