ءماجىلىس بيۋروسىنىڭ كەزەكتى وتىرىسى

كەشە پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن وتكەن پالاتا بيۋروسىنىڭ وتىرىسىندا زاڭ جوبالارىنىڭ دايىندىعى قارالدى. دەپۋتاتتار جالپى وتىرىستا ەكى زاڭ جوباسى بويىنشا قورىتىندى ازىرلەۋ مەرزىمىن ايقىندايتىن بو­لا­دى. اتاپ ايتقاندا, ەلىمىزدىڭ كەي­بىر زاڭنامالىق اكتىلەرىنە مەم­لە­كەتتىك قىزمەت جانە سىبايلاس جەم­قور­لىققا قارسى كۇرەس ماسەلەلەرى بويىنشا وزگەرىستەر مەن تولىق­تى­رۋ­لار ەنگىزۋ قاجەت. بۇل زاڭ جوبا­سى­نا قورىتىندى ازىرلەۋ ءۇشىن پا­لا­تانىڭ زاڭناما جانە سوت-قۇقىق­تىق رەفورما كوميتەتىنە جىبەرىل­مەك. سول سەكىلدى ۇكىمەتتىڭ 2009 جىلعى رەسپۋبليكالىق بيۋدجەتتىڭ ات­قارىلۋى تۋرالى ەسەبى بويىنشا قو­رىتىندى ازىرلەۋ مىندەتى قارجى جانە بيۋدجەت كوميتەتىنە جۇكتەل­مەك. ال كەيبىر زاڭنامالىق اكتىلەرى­نە زاڭسىز جولمەن الىنعان كىرىس­تەر­دى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرىن قاراس­تىراتىن زاڭ جوباسىمەن جۇمىستى جال­عاستىرۋ جونىندە ۇسىنىس جاسال­دى. كۇن تارتىبىنە زاڭدارعا ترانس­فەرت­تىك باعا بەلگىلەۋ جانە سالىق سالۋعا قاتىستى تۇزەتۋلەر ەنگىزۋدى كوزدەيتىن, سونداي-اق كەيبىر زاڭنا­ما­لىق اكتىلەرگە ءورت قاۋىپسىزدىگى, ۇلت­تىق قاۋىپسىزدىك ماسەلەلەرى بوي­ىنشا وزگەرىستەر مەن تولىقتىرۋلار ەنگىزۋ تۋرالى زاڭ جوبالارىنا پار­لامەنت سەناتى ەنگىزگەن تۇزەتۋلەر جونىندە ماسەلەلەر ەنگىزىلگەن. پالاتا دەپۋتاتتارىنىڭ تالقى­سى­نا قازاقستان مەن فينليانديا ۇكىمەتتەرى اراسىنداعى تابىسقا سالىناتىن سالىقتارعا قاتىستى قو­سارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كەلىسىمدى جانە وعان حاتتامانى بەكىتۋ تۋرالى زاڭ جو­باسى ۇسىنىلاتىن بولدى. سونداي-اق اۋە كەڭىستىگىن پايدالانۋ جانە اۆياتسيا قىزمەتى تۋرالى, وسى قۇ­جات­قا سايكەس كەيبىر زاڭنامالىق اكتىلەرگە قاراستىرىلعان تۇزەتۋلەر ەكىنشى وقىلىمدا تالقىعا شىعا­رىلادى. “ەگەمەن-اقپارات”.