2021 جىلدىڭ سەگىز ايىنىڭ ناتيجەسى بويىنشا 25 958 جەڭىل اۆتوكولىك جانە 9 219 جولاۋشى جانە جۇك كولىكتەرى جويۋعا تاپسىرىلعان.
جەڭىلدىك سەرتيفيكاتى باعدارلاماسى بويىنشا 2 315 اۋىلشارۋاشىلىق تەحنيكاسى قابىلدانعان. ونىڭ ىشىندە 1 830 تراكتور جانە 485 كومباين تاپسىرىلعان.
قازاقستان بويىنشا ەسكى كولىكتى وتكىزۋدە شىمكەنت قالاسى كوش باستاپ تۇر. اتالعان شاھار تۇرعىندارى 38 496 كولىك وتكىزگەن. ودان كەيىنگى ورىندا الماتى, تاراز, قاراعاندى, پاۆلودار قالالارى جايعاسقان.
ەسكى كولىگىن جويۋعا تاپسىرعان قازاقستاندىقتارعا بەرىلگەن وتەماقى كولەمى 28 ملرد تەڭگەنى قۇراپ وتىر.
ايتا كەتۋ كەرەك ەسكى كولىكتى جويۋعا قابىلداۋ باعدارلاماسى 2016 جىلدىڭ قاراشا ايىنان باستاپ ىسكە قوسىلعان بولاتىن. باعدارلاما سۇرانىسىنا قاراي كولىك قابىلداۋ ءتارتىبى ەلەكتروندى جۇيەگە اۋىستىرىلدى. مۇنىڭ بارلىعى حالىققا قولايلى تۇردە وكم وپەراتورىنىڭ recycle.kz رەسمي سايتىندا جۇرگىزىلىپ وتىر. سونىمەن قوسا اۆتوكولىكتەرگە بەرىلەتىن اقشالاي وتەماقى مولشەرى ۇلعايتىلىپ, ايلىق ەسەپتىك كورسەتكىشكە بايلانىستى تەڭىستىرىلدى.
جەڭىل كولىكتەر ءۇشىن 210 مىڭ (72 اەك) , م2 جانە N1 ساناتىنداعى كولىكتەرگە 420 مىڭ (144 اەك) جانە م3 ساناتتاعى تەحنيكالارعا 630 مىڭ (216 اەك) تەڭگەگە دەيىن وتەماقى بەلگىلەندى.
سونىمەن قاتار وتكەن جىلدىڭ قاراشا ايىنان باستاپ وكم وپەراتورى ىستەن شىققان اۋىل شارۋاشىلىعى تەحنيكاسىن كادەگە جاراتۋعا قابىلداۋ باعدارلاماسىن ىسكە قوستى. تاپسىرىلعان ەسكى كومبايندار مەن تراكتورلار ورنىنا جەڭىلدىك سەرتيفيكاتتارى بەرىلدى. جەڭىلدىك سەرتيفيكاتىنىڭ نومينالى اۋىل شارۋاشىلىعى تەحنيكاسىنىڭ ءتۇرى مەن جيىنتىعىنا بايلانىستى 560 مىڭ تەڭگەدەن 2 ميلليون تەڭگەگە دەيىن باعالاندى.
