جوبانى جۇزەگە اسىرۋ ءۇشىن بارلىق وبلىستار جانە مينيسترلىككە قاراستى مەكەمەلەردە ورمان ءوسىرۋدىڭ 5 جىلدىق كەشەندى جوسپارى بەكىتىلگەن. ونى ازىرلەۋ كەزىندە قولدانىستاعى پيتومنيكتەردىڭ جانە كوشەت ءوسىرۋدى جۇزەگە اسىراتىن ۇيىمداردىڭ مۇمكىندىكتەرىنە تالداۋ جاسالىپتى.
«جيناقتالعان دەرەكتەر نەگىزىندە اعاشتار مەن بۇتالاردى وتىرعىزۋ كولەمى بويىنشا جوسپارلى كورسەتكىشتەر ازىرلەندى. وبلىستاردا وتىرعىزىلاتىن كوشەتتەر جەتكىلىكسىز بولسا, جۇمىس ىستەپ تۇرعان تالىمباقتاردى كەڭەيتۋ جانە ۋاقىتشا تالىمباقتار قۇرۋ كوزدەلگەن. سونداي-اق ورمان داقىلدارىنىڭ تۇقىمىن جيناۋ كورسەتكىشتەرى ەسكەرىلدى», دەپ حابارلادى مينيسترلىك.
بۇگىنگى تاڭدا قازاقستاندا ورمان داقىلدارىنىڭ كوشەتتەرىن كوبەيتۋ مەن ءوسىرۋدى جۇزەگە اسىراتىن 44 تۇراقتى جانە 158 ۋاقىتشا تۇقىمباق پەن ۇيىم جۇمىس ىستەيدى. قازىرگى ۋاقىتتا قاراعاي, شىرشا, بالقاراعاي, قايىڭ, شەگىرشىن, سەكسەۋىل, ۇيەڭكى, شاعان, ەمەن جانە باسقا دا اعاش تۇرلەرىنىڭ 1-3 جاستاعى كوشەتتەرى بار. جالپى مولشەرى – 165,5 ملن ءتۇپ. بۇل رەتتە وزگە ەلدەردەن كوشەتتەر ساتىپ الۋ قاراستىرىلماعان.
جوبا بويىنشا شامامەن 610 مىڭ ءتۇپ سەكسەۋىل, 555 مىڭنان اسا قاراعاي, 193 مىڭنان اسا ۇيەڭكى, 132 مىڭ شەگىرشىن, 100 مىڭنان اسا قايىڭ جانە باسقا دا تۇقىمدار وتىرعىزۋ جوسپارلانعان.
«ەگەمەن-اقپارات»
