بۇل تۋرالى ريا نوۆوستي باسىلىمىنا تۇرعىندار اراسىنداعى دەرەكوز حابار بەرگەن. باسىلىم مالىمەتىنشە, قازا تاپقاندار مەن جارالانعاندار بار.
تالىپتەر اۋعانستاننىڭ نانگارحار پروۆينتسياسىندا مەملەكەتتىك تۋدى قولداۋ ءۇشىن نارازىلىققا شىققاندارعا وق جاۋدىرعان.
اسىرەسە سوڭعى اپتالاردا اۋعانستانداعى جاعداي كۇردەلەنە تۇسكەن. جەكسەنبىدە باق پەن اقپارات كوزدەرى كوتەرىلىسشىلەر شەكارانىڭ بارلىق وتكەلىن باقىلاۋعا العانىن حابارلادى.
ەسكە سالايىق, 15 تامىزدا «تاليبان» قوزعالىسىنىڭ سودىرلارى اۋعانستاننىڭ استاناسى كابۋلدى باسىپ الىپ, پرەزيدەنت سارايىنا باسىپ كىردى. اۋعانستان پرەزيدەنتى اشراف عاني ەلدەن كەتتى. تاليبان اۋعانستان يسلام امىرلىگىن قۇرۋعا نيەت ءبىلدىردى. كابۋل اۋەجايىندا دۇربەلەڭ باستالدى - اۋعانستاننان شىعۋدىڭ جالعىز جولى. مىڭداعان ادام ەلدەن كەتۋ ءۇشىن, كابۋل اۋەجايىنداعى اسكەري ۇشاققا جارماستى.
