كەشە قاسىم-جومارت توقاەۆتىڭ توراعالىق ەتۋىمەن قازاقستان رەسپۋبليكاسى پارلامەنتى سەناتى بيۋروسىنىڭ وتىرىسى بولدى. سەنات توراعاسى پارلامەنتتىڭ باستى مىندەتى – مەملەكەت باسشىسىنىڭ جولداۋىن ىسكە اسىرۋدى زاڭنامالىق تۇرعىدا قامتاماسىز ەتۋگە نازار اۋداردى, دەپ حابارلادى وسى پالاتانىڭ ءباسپاسوز قىزمەتى.
كەشە قاسىم-جومارت توقاەۆتىڭ توراعالىق ەتۋىمەن قازاقستان رەسپۋبليكاسى پارلامەنتى سەناتى بيۋروسىنىڭ وتىرىسى بولدى. سەنات توراعاسى پارلامەنتتىڭ باستى مىندەتى – مەملەكەت باسشىسىنىڭ جولداۋىن ىسكە اسىرۋدى زاڭنامالىق تۇرعىدا قامتاماسىز ەتۋگە نازار اۋداردى, دەپ حابارلادى وسى پالاتانىڭ ءباسپاسوز قىزمەتى.
وسىعان بايلانىستى ق.توقاەۆ پرەزيدەنت جولداۋىن ىسكە اسىرۋ جونىندەگى دەپۋتاتتاردىڭ ۇسىنىستارىن ەسكەرە وتىرىپ, ارنايى جوسپار ازىرلەۋگە تاپسىرما بەردى. پرەزيدەنت ايتقان باسىمدىقتار مەن تاپسىرمالار اياسىندا دەپۋتاتتار پالاتا جۇمىسىنىڭ بيىلعى جوسپارىن ناقتىلاۋ بويىنشا ۇسىنىستار ەنگىزدى.
سەنات توراعاسى اتاپ وتكەندەي, الداعى ۋاقىتتا ايماقتارعا ساپارى بارىسىندا پارلامەنتشىلەر مەملەكەت باسشىسىنىڭ جولداۋىن ءتۇسىندىرۋ بويىنشا ەلەۋلى جۇمىستار اتقارۋى ءتيىس جانە جەرگىلىكتى جەرلەردە پرەزيدەنت العا قويعان مىندەتتەردى ورىنداۋ ماسەلەلەرىن جۇرتشىلىق اراسىندا تالقىلاۋ قاجەت.
بيۋرودا سەنات كوميتەتتەرىنە ماجىلىستە ماقۇلدانعان زاڭ جوبالارى ءبولىنىپ بەرىلدى. سونداي-اق, بيۋرو مۇشەلەرى سەناتتىڭ 23 قاڭتاردا بولاتىن وتىرىسىنىڭ كۇن ءتارتىبىن دە قارادى. پالاتا وتىرىسىنا ءۇش زاڭ جوباسىن شىعارۋ ۇيعارىلدى.
عىلىمدى جانە عىلىمعا نەگىزدەلگەن ەكونوميكانى دامىتۋ ماسەلەلەرىنە پرەزيدەنت جولداۋىندا باسا نازار اۋدارىلۋىنا بايلانىستى الەۋمەتتىك-مادەني دامۋ كوميتەتىنىڭ مۇشەلەرى سەناتتىڭ وسى سالالىق كوميتەتىنىڭ اتاۋىن الەۋمەتتىك-مادەني دامۋ جانە عىلىم كوميتەتى دەپ قايتا اتاۋ تۋرالى ۇسىنىس جاسادى. بۇل ماسەلە پالاتانىڭ الداعى وتىرىسىندا قارالاتىن بولادى.
