ايماقتار • 18 تامىز، 2021

شىمكەنتتە ءتورت مىڭنان استام بالا سپورت سەكتسيالارىنا تەگىن قاتىسادى

281 رەت كورسەتىلدى

شىمكەنت قالاسىندا بۇقارالىق سپورتتى دامىتۋ، جاستاردىڭ بوس ۋاقىتىن ءتيىمدى ۇيىمداستىرۋ باعىتىندا ءتيىمدى ءىس-شارالار اتقارىلۋدا، دەپ حابارلايدى Egemen.kz.

مەملەكەت باسشىسى بۇقارالىق سپورتتى دامىتۋدىڭ ماڭىزدىلىعىن، جاس ۇرپاقتىڭ سپورتتىق جانە شىعارماشىلىق الەۋەتىنە ەرەكشە نازار اۋدارۋ قاجەت ەكەندىگىن اتاپ وتكەن بولاتىن.

وسىعان وراي، قالا اكىمىنىڭ باستاماسىمەن العاش رەت قالا مەكتەپتەرى اراسىندا فۋتبول، ۆولەيبول، باسكەتبول، شاحمات سپورت تۇرلەرىنەن «شىمكەنت جاستار ليگاسى» وتكىزىلدى. جاستار ليگاسىنا 140 جالپى ورتا مەكتەپتىڭ 536 كومانداسى قاتىستى. ويىندارعا 8569 وقۋشى قامتىلدى. 

سونداي-اق، شىمكەنت قالاسىندا شىعارماشىلىق ۇيىرمەلەر مەن سپورت سەكتسيالارىندا شۇعىلدانۋشىلاردىڭ سانىن ارتتىرۋ ءۇشىن ءتيىستى ينفراقۇرىلىمدى جانە قوسىمشا جۇمىس ورىندارىن كوبەيتۋ ماقساتىندا سپورتتىق ۇيىرمەلەردى جان باسىنا شاققانداعى قارجىلاندىرۋ ىسكە اسىرىلۋدا.

سپورت

بۇگىنگى تاڭدا قالادا 4096 بالاعا 71 سپورت تۇرىنەن تەگىن سپورت سەكتسيالارىن ۇيىمداستىرۋ ءۇشىن جەرگىلىكتى بيۋدجەتتەن 339،8 ميلليون تەڭگە قارجى باعىتتالدى. بۇل كورسەتكىش 2021 جىلى جالپى بوس بالالاردىڭ قوسىمشا سپورتتىق سەكتسيامەن قامتۋ ۇلەسىنىڭ 5،3%-ىن قۇرايتىن بولادى.

ايتا كەتسەك، بۇگىندە قالادا مەملەكەتتىك-جەكەشەلىك ارىپتەستىك اياسىندا 5 سپورت كلۋبى جۇمىس ىستەيدى.

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار