قىرعىزستانعا رەسەيلىك سپۋتنيك V, ەۋروپالىق استرازەنەكا, قىتايلىق سينوفارم جانە قازاقستاندىق QazVac ۆاكتسينالارى جەتكىزىلدى. ەڭ كەڭ تاراعانى جانە قولجەتىمدىسى – سينوفارم پرەپاراتى. ونى ءتىپتى اۋەجايعا ۇشىپ كەلگەندە سالدىرۋعا بولادى. قىرعىستان 56 جاۋىنگەردە قاتتى جاناما اسەرى بايقالعاننان كەيىن استرازەنەكانى قولدانۋدى ۋاقىتشا توقتاتتى. QazVac تەكسەرۋدىڭ سوڭعى ساتىسىنان ءوتىپ جاتىر.
ء«بىزدىڭ ءدارى-دارمەكتەر دەپارتامەنتى ۇسىنىلعان بارلىق قۇجاتتى قاراستىرىپ جاتىر جانە جەتىسپەي جاتقان قۇجاتتاردى سۇراتىپ ۇلگەردىك. سونداي-اق بۇل ۆاكتسينانى ساراپشىلاردىڭ تاۋەلسىز كوميتەتى دە تەكسەرۋدە, ءتيىستى نۇسقاۋلار العاننان كەيىن بىردەن قولدانا باستايمىز», دەدى رەسپۋبليكالىق يممۋنوپروفيلاكتيكا ورتالىعىنىڭ ديرەكتورى گۇلبارا يشەناپىسوۆا.
قازاقستاندا شىعارىلعان ۆاكتسينانىڭ 25 مىڭ داناسى قىرعىزستانعا قايىرىمدىلىق كومەك رەتىندە شىلدە ايىنىڭ باسىندا جەتكىزىلدى. ونىڭ جارامدىق مەرزىمى – 6 اي. دەنساۋلىق ساقتاۋ مينيسترلىگىنىڭ ءوزى ونى تەزىرەك قولدانۋعا مۇددەلى.
