«اعىمداعى جىلدىڭ قۇرعاق اۋا رايى مال ازىقپەن قامتاماسىز ەتۋدە بەلگىلى ءبىر قيىندىقتار تۋعىزدى. جاعدايدى تۇزەتۋ ءۇشىن ۇكىمەت ناقتى شارالار قابىلداۋدا. بۇگىندە جەم-ءشوپتى دايىنداۋ ماسەلەلەرى بويىنشا جەرگىلىكتى ورتالىق اتقارۋشى ورگانداردىڭ قىزمەتىن ۇيلەستىرۋ جونىندەگى رەسپۋبليكالىق جەدەل شتاب جۇمىس ىستەيدى. زارداپ شەككەن ايماقتارعا قارجىلاي كومەك كورسەتىلەدى. سونىمەن قۇرعاقشىلىقتان ەڭ كوپ زارداپ شەككەن ماڭعىستاۋ, قىزىلوردا وبلىستارى ۇكىمەتتىڭ رەزەرۆىنەن جەم ساتىپ الۋعا كەتكەن شىعىنداردى وتەۋگە 3,6 ملرد تەڭگە ءبولىندى», دەدى ول.
سونىمەن قاتار ماڭعىستاۋ وبلىسىنا 5,3 ملرد تەڭگەنى جەم-ءشوپ دايىنداۋ ماقساتىندا پايدالانۋعا رۇقسات بەرۋ ماسەلەلەرى پىسىقتالىپ, جەرگىلىكتى بيۋدجەتتەن 9,1 ملرد تەڭگە بولىنگەنىن ايتتى.
«تاعى قوسىمشا 4,5 ملرد تەڭگە ءبولىنۋى مۇمكىن», دەپ قوستى ەربول قاراشوكەەۆ.
