توپتان وزعان ورەندەر

– بار يگىلىكتىڭ باستاۋى – بىلىمدە. اسىرەسە ەڭ وزىق تەحنولوگيالار ەنگىزىلىپ جاتقان كەزدە قابىلەتتى بالالاردى ىزدەۋ، ولاردى وقىتۋ مەن تاربيەلەۋ وتە قاجەت. سول سەبەپتەن ءبىزدىڭ ورتالىق دارىندى بالالاردىڭ ءبىلىمىن جەتىلدىرۋى، عىلىمي جوبالاردى قولعا الۋى ءۇشىن قولايلى ورتا قالىپتاستىرىپ، سەرىكتەستەرىمەن، مامانداندىرىلعان ءبىلىم وشاق­تارىمەن بىرلەسە جۇمىس ىستەيدى. ءبىلىمنىڭ بيىك شىڭىنا ۇمتىلعان وقۋشىلاردى ءتۇرلى وليمپيادا مەن عىلىمي جوبالاردى قورعايتىن سايىستارعا قاتىسۋىنا قولداۋ ءبىلدىرىپ وتىر، – دەيدى ر.ساربالين.

بيىل رەسپۋبليكالىق وليمپيا­داعا قاتىساتىن وقۋشىلاردى دا­يىن­داۋ ماقساتىندا «ونكۇندىك» جو­باسى ۇيىمداستىرىلىپتى. ەلى­مىزدىڭ بارلىق ايماعىنان 1 557 وقۋشى قاتىسقان ءبىلىم دودا­سىندا اتى­راۋلىق 42 وقۋشى جۇل­دە­گەر اتانىپ، 6-ۋى التىن، 17-ءسى كۇمىس، ال 19 وقۋ­شى قولا مەدال ال­عان. رەسپۋب­لي­كا­لىق وليمپيادا­دان ءوڭىر كومان­دا­­سى جالپى ەسەپتە ە­كىنشى ورىن­دى، قو­عام­­دىق-گۋما­­ني­­تارلىق باعىت­تاعى پان­­دەر بو­­يىن­­شا ءبىرىنشى ورىن­دى يە­لەندى. ال ما­تە­ماتيكا مەن في­زي­كا پان­­دەرى­­­نەن وتكەن حالىق­ارا­لىق وليم­­­­­پيا­­دادا توپتان وزعان ء«بىلىم-ين­­­نو­­­­ۆا­­­­تسيا» ليتسەي-ينتەرنا­تىنىڭ ەكى وقۋ­­­­شى­­­سىنىڭ مەرەيى ۇستەم بولدى.

– 1959 جىلى باستاۋ العان حالىق­ا­رالىق ماتەماتيكا ءپانى وليم­پياداسى 14-25 شىلدەدە رەسەي­د­ە ءوتتى. وعان ء«بىلىم-يننو­ۆا­تسيا» ليتسەي-ينتەرناتىنىڭ 11-سى­­نىپ وقۋشىسى ايبەك مىر­زا­تاي قاتىسىپ، ءبىرىنشى جۇلدەگە بە­رى­لەتىن التىن مەدالدى جەڭىپ الدى. ال 1967 جىلدان بەرى وتەتىن حالىقارالىق فيزيكا وليمپيا­داسىن ليتۆا رەسپۋبليكاسى ۇيىمداستىردى. بۇل وليمپيادادا اتالعان ليتسەي-ينتەرناتتىڭ 10-سى­نىپ وقۋشىسى ريزابەك ال­پا­مىس ەكىنشى جۇلدەنى يەلەنىپ، كۇمىس مە­دال­مەن ماراپاتتالدى، – دەي­دى ور­تالىق ديرەكتورى ر.ساربالين.

ونىڭ ايتۋىنشا، ايبەك مىر­زا­تاي 2019 جىلى بالقان تۇبەگى مەن تۋيماادا، قىتايدا، باكۋ مەن الماتىدا وتكەن حالىقارالىق ماتەماتيكا وليمپيادالارىنان ءتورت التىن، ءبىر كۇمىس مەدال يە­لەن­گەن. ال بىلتىر وسىنداي حالىق­ارالىق ءبىلىم دوداسىندا ەسەپكە جۇيرىكتىگىمەن ەرەكشەلەنىپ، التىن مەدالعا قوسا ابسوليۋتتىك چەمپيون اتاعىن جەڭىپ الدى. بيىل ءتورت وليمپيادادا باق سىناپ، ءتورت التىن مەدالعا يە بولىپ وتىر.

اتالعان ليتسەي-ينتەرناتتىڭ تاعى ءبىر وقۋشىسى ريزابەك الپا­مىس­تىڭ دا حالىقارالىق ءبىلىم­ سايى­سى­نان يەلەنگەن جۇل­دەسى جەتەرلىك. بيىل ول بىرنەشە وليمپياداعا قا­تىسىپ، قاتار­لاستارىنان وق بويى وزدى. ءسويتىپ، زەرەكتىگىمەن تانىلعان وقۋ­شى ءتورت كۇمىس مەدالمەن ءبىلىم شىڭىن باعىندىرۋدان العان جۇلدەسىن تولىقتىردى.

اتىراۋ وبلىسى