وبلىس اكىمى سپورتشىلاردى وليمپياداداعى جەتىستىگىمەن قۇتتىقتاپ, بارلىق قاجەتتى مەملەكەتتىك قولداۋ تۇراقتى تۇردە كورسەتىلەتىنىن ايتتى.
ء«بىز ءوز تاراپىمىزدان كومەكتەسۋدى جانە قولداۋدى جالعاستىرامىز. بۇگىن مەن سىزدەردى جەتىسۋلىقتار اتىنان ەلەۋلى جەڭىسپەن قۇتتىقتايمىن جانە جاڭا سپورت شىڭدارىن باعىندىرۋلارىڭىزعا تىلەكتەسپىن», دەگەن اماندىق باتالوۆ سپورتشىلارعا وبلىس اكىمىنىڭ قۇرمەت گراموتاسى مەن پاتەر كىلتىن تابىس ەتتى.
زۋلفيا چينشانلو ءۇش بولمەلى پاتەردىڭ, ال يگور سون ەكى بولمەلى پاتەردىڭ كىلتىن الدى. سپورتشىلاردىڭ جاتتىقتىرۋشىلارى دا ماراپاتتالدى. ولارعا ارقايسىسىنا 2 ميلليون تەڭگەلىك اقشا سەرتيفيكاتتارى تابىس ەتىلدى.
وليمپيادا ويىندارىنىڭ قولا جۇلدەگەرى, اۋىر اتلەتيكادان 2019 جىلعى الەم چەمپيوناتىنىڭ كۇمىس جۇلدەگەرى يگور سون سپورتشىلارعا كورسەتكەن كومەگى مەن قولداۋى ءۇشىن العىسىن ءبىلدىردى.
«سپورتشىلارعا بارلىق جاعىنان كورسەتكەن كومەگى ءۇشىن ەل پرەزيدەنتىنە شىنايى ريزاشىلىعىمدى بىلدىرەمىن. ءبىز ءوز تاراپىمىزدان سەنىمىڭىزدى اقتاۋعا بار كۇشىمىزدى سالامىز. الدا ازيا ويىندارى. جوعارى ماراپاتتارعا يە بولۋ ءۇشىن بەلسەندى تۇردە دايىندالاتىن بولامىز», دەدى ول.
قر ەڭبەك سىڭىرگەن سپورت شەبەرى, حالىقارالىق دارەجەدەگى سپورت شەبەرى, يگور سوننىڭ جاتتىقتىرۋشىسى ۆلاديمير سەدوۆ تا ريزاشىلىعىن ءبىلدىردى.
«مەن 13 جىل بويى سپورت ينتەرناتىندا جاتتىقتىرۋشى بولىپ جۇمىس ىستەپ كەلەمىن. ەندى وليمپيادا ويىندارىنىڭ قولا جۇلدەگەرى اتانعان تاعى ەكى تاربيەلەنۋشىم بار. ءبىرىنشىسى - كارينا گوريچەۆا, قازىر يگور. مەن بۇعان وتە قۋانىشتىمىن. جاتتىقتىرۋشىلار اتىنان سپورتشىلارىمىزعا جاسالعان جاعداي ءۇشىن العىس ايتقىم كەلەدى. ءبىز ەلگە جانە ايماققا مەدال اكەلۋ ءۇشىن, ناتيجە ءۇشىن جۇمىستى جالعاستىرامىز», دەدى ول.
ء«بىز جاقىندا ورتالىق ازيادا بالاماسى جوق وليمپيادالىق باسسەيندى پايدالانۋعا بەردىك. قازىردىڭ وزىندە وعان 850-گە جۋىق بالا جۇزۋگە جازىلدى. بولاشاقتا ولاردىڭ كوبى ءبىزدى جەتىستىگىمەن, جەڭىسىمەن قۋانتادى دەپ ويلايمىن. ەلباسىنىڭ رەسپۋبليكادا 100 سپورتتىق-ساۋىقتىرۋ ورتالىعىن سالۋ تۋرالى تاپسىرماسىنا سايكەس, وبلىستا 13 سپورتتىق-ساۋىقتىرۋ ورتالىعى پايدالانۋعا بەرىلدى. تاعى 5-ەۋى جاقىندا بەرىلەدى. ولاردىڭ بىرەۋى شالعايداعى بالقاش وڭىرىندە. قازىردىڭ وزىندە پايدالانۋعا دايىن. بۇل رەتتە ءبىز سپورت عيماراتتارىن, ماتەريالدىق-تەحنيكالىق بازانى رەتتەۋگە ەرەكشە نازار اۋدارامىز. بۇنىڭ ءبارى بۇقارالىق سپورتتى دامىتۋعا جانە جاڭا تالانتتاردى انىقتاۋعا ىقپال ەتىپ, ناتيجە بەرەدى», دەپ قورىتىندىلادى كەزدەسۋدى وبلىس اكىمى اماندىق باتالوۆ.
