الەم • 17 تامىز, 2021

شري-لانكا دەنساۋلىق ساقتاۋ ءمينيسترى جالعان اقپارات ءۇشىن قىزمەتتەن بوساتىلدى

203 رەت

كورسەتىلدى

1 مين

وقۋ ءۇشىن

شري-لانكا دەنساۋلىق ساقتاۋ ءمينيسترى COVID-19-عا قارسى «باقسىلىقتى» ماقۇلداۋىنا بايلانىستى قىزمەتىنەن بوساتىلدى, دەپ حابارلايدى Egemen.kz.

گاۋھار قاپاش

شري-لانكا دەنساۋلىق ساقتاۋ ءمينيسترى جالعان اقپارات ءۇشىن قىزمەتتەن بوساتىلدى

شري-لانكا پرەزيدەنتى گوتابايا رادجاپاكسا دەنساۋلىق ساقتاۋ ءمينيسترى پاۆيترا ءۆانناراچچيدى قىزمەتىنەن بوساتتى, ول COVID-19-بەن كۇرەسۋ ءۇشىن «باقسىلىق پەن قاسيەتتى سۋدى» كوپشىلىك الدىندا ماقۇلداعان.

ۆاننياراچچي قاڭتاردا باقسىدان العان «قاسيەتتى سۋدى» كوروناۆيرۋس ينفەكتسياسىنان قورعاۋ ءۇشىن كوپشىلىك الدىندا قولدانعان. الايدا, ول COVID-19 جۇقتىرىپ, ەمحانالاردىڭ ءبىرىنىڭ جانساقتاۋ بولىمىندە ەمدەلگەن. سونىمەن قاتار ۆاننياراچچي شري-لانكاداعى COVID-19 ەپيدەمياسىن توقتاتۋعا كومەكتەسەدى دەپ «قاسيەتتى سۋدى» وزەنگە قۇيعان.

ۆاننياراچچي باسشىلىعىنداعى مينيسترلىك ۆيرۋس ءورشىپ تۇرعاندا دۇرىس جۇمىس جاساماعانى ءۇشىن قاتتى سىنعا ۇشىرادى.

ۆاننياراچچي ۇكىمەتتە قالىپ, كولىك مينيسترلىگىن باسقارادى. پرەزيدەنت كەڭسەسى دەنساۋلىق ساقتاۋ ءمينيسترى بولىپ, بۇرىنعى بۇقارالىق اقپارات ءمينيسترى كەحەليا رامبۋكۆەلا سايلانعانىن ايتتى.

ەپيدەميا كەزىندە ەلدە ۆيرۋس جۇقتىرعاندار سانى 355 مىڭ بولدى, 6 096 ادام ۆيرۋستتان قايتىس بولدى.

ەسكە سالايىق, شري-لانكادا 16 تامىزدان باستاپ COVID-19 تارالۋىنا بايلانىستى قاتاڭ كارانتين ەنگىزىلگەن. تۇرعىندارعا ساعات 10:00-دەن 16:00-گە دەيىن ۇيلەرىنەن شىعۋعا تىيىم سالىندى.