الەم • 16 تامىز, 2021

70-كە جۋىق مەملەكەت اۋعان حالقىنا كومەكتەسۋگە دايىن ەكەنىن مالىمدەدى

254 رەت

كورسەتىلدى

1 مين

وقۋ ءۇشىن

ەۋرووداق پەن 67 مەملەكەت اۋعانستان بيلىگىن «تاليبان» قوزعالىسى باسىپ العاننان كەيىن بىرلەسكەن مالىمدەمە جاسادى, دەپ حابارلايدى Egemen.kz.

گاۋھار قاپاش

70-كە جۋىق مەملەكەت اۋعان حالقىنا كومەكتەسۋگە دايىن ەكەنىن مالىمدەدى

اقش, ەو-نىڭ سىرتقى ىستەر جونىندەگى جوعارى وكىلى, ۇلىبريتانيا, كانادا, گەرمانيا, اۆستراليا, پولشا, ۋكراينا, وڭتۇستىك كورەيا, افريكا مەن لاتىن امەريكاسىنىڭ كەيبىر مەملەكەتتەرى ەلدەن كەتكىسى كەلەتىندەرگە مۇمكىندىك جاساۋ كەرەك ەكەنىن, اۋعانستان ازاماتتارىنا كومەكتەسۋگە دايىن ەكەنىن ءبىلدىردى.

«اۋعاندار مەن كەتكىسى كەلەتىن شەتەلدىكتەرگە كەتۋگە رۇقسات بەرىلۋى كەرەك. جولدار, اۋەجايلار مەن شەكارالار اشىق بولىپ, تىنىشتىق ساقتالۋى ءتيىس. اۋعان حالقى قاۋىپسىز ءومىر سۇرۋگە لايىق. ءبىز حالىقارالىق قوعامداستىقتا ولارعا كومەكتەسۋگە دايىنبىز», دەلىنگەن حاتتا.

قۇجاتتا ەلدەر اۋعانستانداعى جاعدايعا بايلانىستى قاۋىپسىزدىكتى قامتاماسىز ەتۋ ءۇشىن جۇمىس ىستەپ جاتقاندىعى ايتىلعان. ولار بارلىق تاراپتى شەتەلدىكتەر مەن اۋعان ەلىنەن كەتكىسى كەلەتىندەردىڭ قاۋىپسىز تۇردە كەتۋىنە جاعداي جاساۋعا جانە قۇرمەتتەۋگە شاقىردى. اۋعانستاندا بيلىككە وتىرعاندارعا ادام ءومىرىن قورعاۋعا, سونداي-اق قاۋىپسىزدىك پەن قوعامدىق ءتارتىپتى تەز ارادا قالپىنا كەلتىرۋگە جاۋاپتى ەكەنىن ەسكەرتتى.

ەسكە سالايىق, «تاليبان» قوزعالىسىنىڭ سودىرلارى اۋعانستاننىڭ استاناسى كابۋلعا كىرىپ, ەلدەگى سوعىستىڭ اياقتالعانىن مالىمدەدى. كابۋل اۋەجايىنا جۇزدەگەن ادام جينالىپ, ەلدەن كەتۋگە تىرىستى.

بۇعان دەيىن پرەزيدەنت قاسىم-جومارت توقاەۆ اۋعانستانداعى جاعداي تۋرالى مالىمدەمە جاساعان بولاتىن. ول اۋعانستان يسلام رەسپۋبليكاسىنداعى قازاقستاندىقتار مەن ديپلوماتتاردىڭ قاۋىپسىزدىگىن قامتاماسىز ەتۋ ءۇشىن شارالار قابىلداۋدى تاپسىردى. مەملەكەت باسشىسى قازاقستان اۋعانستانداعى شيەلەنىستىڭ ۋشىعۋىنا الاڭدايتىنىن جانە وقيعالاردىڭ دامۋىن مۇقيات قاداعالاپ وتىرعانىن ايتتى.

ايتا كەتەيىك, جوعارعى سوتتىڭ 2005 جىلعى 15 ناۋرىزداعى شەشىمىنە سايكەس, «تاليبان» قوزعالىسىنا قازاقستاندا تىيىم سالىنعان.