بۇل تۋرالى ءىىم اكىمشىلىك پوليتسيا كوميتەتى توراعاسىنىڭ ورىنباسارى جاندوس مۇراتاليەۆ مينيسترلىكتىڭ اقپارات الاڭىندا وتكەن ونلاين بريفينگتە مالىمدەدى.
«بيىل 1-قىركۇيەكتەن باستاپ ءبىلىم بەرۋ مەكەمەلەرىنىڭ ماڭىندا پوليتسيا جاساقتارىنىڭ تىعىزدىعى ارتادى. ءبىلىم بەرۋ مەكەمەلەرىنىڭ جانىنداعى جول جەلىسى تەك ءىس-شارا كەزىندە عانا ەمەس, تۇراقتى تۇردە تەكسەرىلەتىنىن ايتا كەتۋ كەرەك. سونداي-اق بالالار مەن جاسوسپىرىمدەردى تاسىمالداۋعا ارنالعان كولىك قۇرالدارىنا كوپ كوڭىل بولىنەدى. بيىل ءبىزدىڭ قىزمەتكەرلەر وقۋ ورىندارىنا تيەسىلى 2 مىڭعا جۋىق كولىكتى تەكسەردى. انىقتالعان كەمشىلىكتەردى جويۋ ءۇشىن ءتيىستى مەكەمەلەرگە 100-دەن استام ۇيعارىم جولدانعان», دەيدى ءىىم وكىلى.
بالالاردى جول-كولىك جاراقاتتارىنان قورعاۋ ماسەلەسىندە وقۋ پروتسەسى دە ماڭىزدى قىزمەت اتقارادى.
ء«بىلىم جانە عىلىم مينيسترلىگىنىڭ ۇيىمداستىرۋىمەن ءبىلىم بەرۋ ۇيىمدارىندا جۇيەلى تۇردە, وقۋ جوسپارى اياسىندا جولدا ءجۇرۋ قاعيدالارى بويىنشا وقىتۋ قاراستىرىلعان. ءوز كەزەگىندە پوليتسيا قىزمەتكەرلەرى مەكتەپ وقۋشىلارىنا جول ءجۇرىسى قاعيدالارىن ۇيرەتۋ بويىنشا ونلاين فورماتتا مىڭنان استام كونكۋرستار مەن ۆيكتورينالار وتكىزدى. 1-قىركۇيەكتەن باستاپ بۇل باعىتتاعى جۇمىس ءداستۇرلى فورماتتا جالعاسىن تابادى دەپ سەنەمىز», دەدى جاندوس مۇراتاليەۆ.
