«عاني ايەلى, كەڭسەسىنىڭ ديرەكتورى جانە ۇلتتىق قاۋىپسىزدىك جونىندەگى كەڭەسشىسىمەن بىرگە تاشكەنتكە ۇشىپ كەتتى», دەپ كەلتىرەدى باسىلىم پرەزيدەنتتىڭ جەكە كۇزەتشىسىنىڭ ءسوزىن.
ال Facebook جەلىسىندەگى پاراقشاسىندا اشراف عاني قانتوگىستىڭ الدىن الۋ ءۇشىن وكىلەتتىگىنەن باس تارتقانىن مالىمدەپ, جازبا جاريالاعان.
«تاليباندار مەنى تاعىمنان كەتىرۋ ءۇشىن تۇگەلدەي كابۋلعا شابۋىل جاساۋعا دايىن ەكەنىن ۇقتىردى. قانتوگىستىڭ الدىن الۋ ءۇشىن مەن كەتۋدى ۇيعاردىم», دەپ جازدى اشراف عاني.
ونىڭ ايتۋىنشا, «تالىپتەر اۋعان حالقىنىڭ مۇلكى مەن قاۋىپسىزدىگىنە جاۋاپتى».
«تاليبان سوتتا قارۋمەن جەڭدى, ەندى وتانداستارىنىڭ ابىرويى, مۇلكى جانە قاۋىپسىزدىگى ءۇشىن جاۋاپكەرشىلىك الدى. بىراق جۇرەكتەردى جاۋلاپ الا المادى. تاريحتا ەشقاشان جابايى كۇش ەشكىمگە زاڭدىلىق بەرگەن ەمەس, بەرمەيدى دە. قازىر جاڭا تاريحي سىناقتان ءوتۋىمىز كەرەك: ولار اۋعانستان حالقىنىڭ ابىرويىن توكپەيدى, نە باسقا جەرلەر مەن جەلىلەرگە نازارىن بۇرادى», دەپ جازدى اشراف عاني.
بۇعان دەيىن جەلىدە اۋعانستان پرەزيدەنتى ەلدەن كەتكەنى تۇسىرىلگەن ۆيدەو جاريالانعان. ونىڭ قاسىندا وققاعارلارى بولعان.
ەسكە سالايىق, 15 تامىزدا «تاليبان» تەرروريستىك قوزعالىسى اۋعانستاننىڭ بۇكىل اۋماعىن باقىلاۋعا العانىن جاريالادى. سودىرلار ۇكىمەتپەن كابۋلعا بەيبىت جولمەن كىرۋ مۇمكىندىگى تۋرالى كەلىسسوز جۇرگىزىپ جاتقانىن جانە اۋعانستان ۇكىمەتى وتپەلى كەزەڭ اياقتالعانعا دەيىن كابۋلدىڭ قاۋىپسىزدىگى ءۇشىن جاۋاپ بەرەتىنىن ايتقان.
