Ashyq ورناتقاندارعا شەكتەۋ بولمايدى
سونىمەن, 12 تامىزدان باستاپ Ashyq قوسىمشاسىن قولداناتىن قوعامدىق تاماقتانۋ ورىندارىنا كۇن سايىن تاڭعى 7.00-دەن تۇنگى 2.00-گە دەيىن جۇمىس ىستەۋگە رۇقسات بەرىلدى. قوستانايلىقتاردى قۋانتقان تاعى ءبىر جاعىمدى جاڭالىق, دەمالىس كۇندەرى قوعامدىق كولىكتەر توقتامايدى. حالىققا قىزمەت كورسەتۋ ورتالىقتارى مەن «قازپوشتا» بولىمشەلەرى دە شەكتەۋسىز جۇمىس ىستەيدى.
Ashyq جوباسىنا قاتىساتىن اشىق بازارلار سەنبى, جەكسەنبى كۇندەرى ساعات 10.00-دەن 17.00-گە دەيىن اشىق تۇرادى. Ashyq-ى بار باسسەين, ساۋنا, تەرموپارك جانە فيتنەس-ورتالىقتارى قالىپتى كەستە بويىنشا جۇمىس ىستەيدى, الايدا اكۆاپاركتەرگە تۇرعىنداردى قابىلداۋعا تىيىم سالىنعان.
سونداي-اق ساۋدا ورتالىقتارى دا Ashyq قوسىمشاسىن پايدالانعان جاعدايدا كۇنۇزاق قالىپتى كەستە بويىنشا جۇمىس ىستەي بەرەدى. مۇنداي جەڭىلدىك ويىن-ساۋىق ورىندارىنا دا بەرىلىپ وتىر. باستى شارت – ءبارى Ashyq قوسىمشاسى ارقىلى كەلۋشىلەردىڭ مارتەبەسىن تەكسەرىپ وتىرۋى كەرەك. ماسەلەن, Ashyq ورناتقان بوۋلينگ-كلۋب, كاراوكە, بيليارد زالدارى ساعات 12.00-دەن ءتۇن جارىمعا دەيىن جۇمىس ىستەي الادى.
الايدا بيزنەس-نىسانداردىڭ كوپشىلىگىنە بەرىلىپ جاتقان مۇمكىندىكتەن ازىق-ت ۇلىككە جاتپايتىن تاۋارلار ساۋداسىمەن اينالىساتىن شاعىن دۇكەندەر قاعىلىپ قالىپ وتىر. ولار بۇرىنعىشا 18.00-گە دەيىن عانا جۇمىس ىستەي الادى.
جالعان قۇجات جارعا جىقتى
Ashyq-تان قاشىپ قۇتىلا المايسىڭ. مۇنى قوستاناي اۋەجايىندا جالعان پتر-تەست ناتيجەسىن كورسەتكەن ليساكوۆ قالاسىنىڭ تۇرعىنى دالەلدەپ بەردى. 61 جاستاعى تۇرعىن مىسىرعا ۇشپاق بولعان. ونىڭ COVID-19-عا تاپسىرعان تەست ناتيجەسىنىڭ جالعان ەكەنى اۋەجايعا ورناتىلعان Ashyq قوسىمشاسى ارقىلى انىقتالىپ وتىر.
قازىر ليساكوۆ قالاسىنىڭ تۇرعىنىنا قاتىستى قىلمىستىق كودەكستىڭ 385-بابىندا كورسەتىلگەن «جالعان قۇجاتتاردى, ءمورتابانداردى, مورلەردى, بلانكىلەردى, مەملەكەتتىك پوشتا تولەمى بەلگىلەرىن, مەملەكەتتىك ناگرادالاردى قولدان جاساۋ, دايىنداۋ نەمەسە وتكىزۋ» بويىنشا سوتقا دەيىنگى تەرگەۋ شارالارى ءجۇرىپ جاتىر.
سونىمەن قاتار تاياۋدا الەۋمەتتىك جەلىدە ۆاكتسينالاۋ پاسپورتىن ساتامىن دەگەن حابارلاما قالدىرىپ, ساتىپ الۋشى اقشاسىن اۋدارعان سوڭ, ۇيالى تەلەفونىن ءسوندىرىپ تاستاپ وتىرعان قوستاناي قالاسىنىڭ 36 جاستاعى تۇرعىنى ۇستالدى. پوليتسيانىڭ مالىمەتىنشە, قازىر الاياققا قاتىستى سوتقا دەيىنگى تەرگەۋ جۇمىستارى اياقتالىپ, ءىس سوتقا جىبەرىلدى.
مەكتەپتە ۆاكتسينا قابىلداۋعا بولادى
قوستاناي وبلىسىنداعى سەگىز مەكتەپتە ىندەتكە قارسى ۆاكتسينا ەگەتىن قوسىمشا پۋنكتتەر اشىلدى. ولار تامىزدىڭ 23-ىنە دەيىن جۇمىس ىستەيدى. قوستانايداعى №16, 17, 21, 25, 27, 29 مەكتەپتەر مەن قالانىڭ ىرگەسىندەگى درۋجبا اۋىلىندا ورنالاسقان ءبىلىم وشاعىندا ۆاكتسينا قابىلداعاندار ءۇشىن تەرموپارككە 150 ابونەمەنت توسىنسىي ويناتىلادى.
توسىنسىي دەمەكشى, بۇعان دەيىن ۆاكتسينا قابىلداعان ون شاقتى قوستانايلىق تامىز ايىنىڭ باسىندا سۋ جاڭا iرhone 12 ۇتىپ العان ەدى. جەڭىمپازداردى وبلىستىق دەنساۋلىق ساقتاۋ باسقارماسى اۆتوماتتى تاڭداۋ جۇيەسى ارقىلى انىقتاعان. ەندى وبلىس اكىمى ارحيمەد مۇحامبەتوۆ 1 تامىزدان قازان ايىنا دەيىن ەكپە العان تۇرعىنداردىڭ سۋ جاڭا جەڭىل كولىك ۇتىپ الۋعا مۇمكىندىكتەرى بار ەكەنىن ايتىپ وتىر. ال وسى سۋ جاڭا كولىكتى شىعاراتىن «سارىارقااۆتوپروم» سەرىكتەستىگى ىندەتكە قارسى ۆاكتسينا قابىلداعان جۇمىسشىلارىن «سوسنوۆىي بور» شيپاجايىنا دەمالىسقا جىبەرىپ جاتىر.
قوستاناي وبلىسى
