ەل بولاشاعىنا ارنالعان ينتەراكتيۆتى ساباق

اقپاراتتىق تەحنولوگيا نەعۇر­لىم العا جىلجىپ دامىعان سايىن, قولايلىلىق پەن ىزگى جەتىستىكتەر ادامنىڭ ومىرىنە دە بەلسەنە ارالا­سىپ كەتتى. جاڭا تەحنولو­گيانىڭ يگەرىلۋى اسىرەسە ءبىلىم بەرۋ سالاسىنا زور سەرپىن بەرگەنى بەلگىلى. مۇنى ءبىز زامان تالابىنا ساي بۇگىندە ءار وقۋ وردالارىندا ءوتىپ جاتقان ونلاين تارتىبىندەگى ينتەراكتيۆتى ساباقتار­دان انىق بايقاي الامىز. سونىڭ ءبىرى ءبىلىم جانە عىلىم مينيسترلىگى بالالاردىڭ قۇقىق­تارىن قورعاۋ كو­ميتەتىنىڭ ۇيىتقى بولۋىمەن وتكەن “مەنىڭ وتانىم – تاۋەلسىز قازاق­ستان” اتتى ينتەراك­تيۆتى ساباق ەدى. ەلباسىنىڭ بيىلعى “جاڭا ون­جىل­دىق – جاڭا ەكونوميكالىق ءور­لەۋ – قازاقستاننىڭ جاڭا مۇمكىن­دىكتەرى” اتتى جولداۋىن ىسكە اسىرۋ جوسپارىنا سايكەس ۇيىمداس­تىرىلعان بۇل ساباق بارلىق قازاقستاندىق­تاردىڭ ءبىلىم الۋىن, وركەندەۋىن جانە ءال-اۋقاتىنىڭ ارتۋىن قامتاماسىز ەتۋ ماقساتىندا مەملەكەتتىڭ اتقارىپ جاتقان شارا­لارىمەن وقۋشىلاردى تانىس­تىرۋ ماقساتىندا ءوتتى. قازاقستان رەسپۋبليكاسنىڭ  تۇڭ­عىش پرەزيدەنتى مۇراجايى ديرەك­تورى­نىڭ ورىنباسارى بوتاگوز قايىپوۆا ينتەراكتيۆتى ساباققا قاتىسىپ, وقۋشىلارعا ەلباسى جول­داۋىنىڭ ءمان-ماعىناسىن, ماڭىز­دىلىعىن ءتۇسىندىردى. ول سونىمەن قاتار ەلىمىز­دىڭ باستى بايلىعى – قازاقستان حالقى اراسىنداعى ىنتى­­ماق پەن كەلىسىمدى قادىرلەۋگە, ۇرپاقتار ساباقتاستىعىن ساقتاۋعا ۇندەدى. وسى ينتەراكتيۆتى ساباققا قاتىسقان مەكتەپ وقۋشىلارى وزدەرىنىڭ پىكىرلەرىن, وتانسۇيگىشتىك پەن بىلىمگە قۇشتارلىق تۋرالى ءوز ويلارىن ورتاعا سالدى. اراي ۇيرەنىشبەكقىزى.