«بەلسەندىلىگى جويىلعان (Sinopharm) COVID-19-عا قارسى ۆاكتسينا (Vero Cell) – SARS-CoV-2, 19nCoV-CDC-Tan-HB02, شتامىنان جاسالعان, ول كەيىننەن سۇيىق ۆاكتسينا قالىپتاستىرا وتىرىپ, اليۋميني گيدروكسيدىنەن اديۋۆانتپەن ادسوربتسيالاۋ ارقىلى ءوسىرىندى الۋ جانە جيناقتاۋ, β-پروپيولاكتونمەن بەلسەندىلىگىن جويۋ, كونتسەنتراتسيالاۋ جانە تازارتۋ ءۇشىن Vero جاسۋشالارىنا ەگىلەدى. ۆاكتسينادا انتيبيوتيكتەر مەن كونسەرۆانتتار جوق», دەلىنگەن قاۋلىدا.
ۆاكتسينا 18 جاستان اسقان ەرەسەك ادامدارعا سالىنادى.
ۆاكتسينانىڭ شىعارىلۋ نىسانى:
1) ءبىر دوزالى قۇتىدا ەنگىزۋ ءۇشىن 0,5 مل ءونىم بولادى;
2) قۇتىدا ەكى رەت ەنگىزۋ ءۇشىن 1,0 مل ءونىم بولادى, ءاربىر ەنگىزۋ ءۇشىن ءبىر دوزا رەتىندە 0,5 مل قاجەت; ءبىر ادامعا 1.0 مل ەنگىزۋگە تىيىم سالىنادى. ۆاكتسيناتسيالاۋ كەستەسى: ەنگىزۋ اراسىنداعى 21-28 كۇن ارالىقپەن ەكى دوزا, ءار دوزا 0,5 مل. قۇرايدى. ۇسىنىلاتىن ەنگىزۋ جولى – بۇلشىقەتكە, كوبىنەسە يىقتىڭ دەلتا ءتارىزدى بۇلشىقەتىنە. تامىر ىشىنە ەنگىزۋگە قاتاڭ تىيىم سالىنادى. قۇتىنى العاش اشقاننان كەيىن ۆاكتسينانىڭ كولەمى 1,0 مل قالدىعى بولمە تەمپەراتۋراسىندا 1 ساعاتتان ارتىق ساقتالمايدى نەمەسە پليۋس 2°C-تان پليۋس 8°C-قا دەيىنگى تەمپەراتۋرا كەزىندە 6 ساعاتتان اسىرماي ساقتالادى.
ۆاكتسينانى ەكىنشى رەت الۋ الدىندا رەزەڭكە تىعىننىڭ بەتىن دەزينفەكتسيالاۋ قاجەت. ايقاسپالى لاستانۋدى بولدىرماۋ ءۇشىن دوزانى قۇتىدان شپريتسكە الۋ ونى تىكەلەي ەنگىزەر الدىندا جۇرگىزىلۋى قاجەت. قۇرامىندا كونسەرۆانت جوق بولعاندىقتان, شپريتسكە جينالعان ۆاكتسينانى دەرەۋ پايدالانۋ كەرەك. شپريتسكە بىرنەشە رەت اسپيراتسيادان تۋىنداعان ەگۋ دوزاسىنىڭ قاتەلىگى بارىنشا ازايتىلۋى ءتيىس.
ەگەر قۇتىداعى قالعان ۆاكتسينا 0.5 مل-دەن از بولسا, ونى تاستاۋ كەرەك جانە ءارتۇرلى قۇتىداعى ۆاكتسينانىڭ قالدىقتارىن ارالاستىرماۋ كەرەك. وسى پرەپاراتپەن قايتا يممۋنداۋ قاجەتتىلىگى انىقتالعان جوق.
ۆاكتسينانى ەنگىزۋگە قارسى كورسەتىلىمدەر:
1) ۆاكتسينانىڭ كەز-كەلگەن كومپونەنتىنە (ونىڭ ىشىندە قوسىمشا زاتتارعا) اللەرگيا;
2) ۆاكتسيناعا اللەرگيالىق رەاكتسيالار (جەدەل اللەرگيالىق رەاكتسيا, انگيونەۆروزدىق ءىسىنۋ, ەنتىگۋ);
3) باقىلانبايتىن ەپيلەپسيا نەمەسە جۇيكە جۇيەسىنىڭ باسقا دا ۇدەمەلى اۋرۋلارى, سونداي-اق انامنەزىندە گيەن-باررە سيندرومىنىڭ بولۋى;
4) جۇكتىلىك جانە لاكتاتسيا كەزەڭى;
5) 18 جاسقا دەيىن جاس ەرەكشەلىك.
ەگەر ۆاكتسيناتسيادان كەيىن جۇيكە جۇيەسى تاراپىنان جاعىمسىز رەاكتسيالار پايدا بولسا, وسى ءونىمدى قايتا پايدالانۋعا تىيىم سالىنادى. ۆاكتسينانى مىناداي جاعدايلاردا:
1) جەدەل اۋرۋى, سوزىلمالى اۋرۋلاردىڭ ءورشۋى جانە قىزباسى بار پاتسيەنتتەرگە ساقتىقپەن قولدانۋ كەرەك; قاجەت بولعان جاعدايدا, دارىگەر ۆاكتسيناتسيانى جۇرگىزۋدى كەيىنگە قالدىرادى;
2) قانت ديابەتىمەن اۋىراتىن پاتسيەنتتەرگە جانە انامنەزىندە نەمەسە وتباسى انامنەزىندە قۇرىسۋلار, ەپيلەپسيا, ەنتسەفالوپاتيا, پسيحيكالىق اۋرۋلارى بار پاتسيەنتتەرگە ساقتىقپەن قولدانۋ كەرەك;
3) ۆاكتسينانى بۇلشىقەتكە ەنگىزۋ كەزىندە پايدا بولۋى مۇمكىن قان كەتۋ قاۋپىنە بايلانىستى قاننىڭ ۇيۋىنىڭ بۇزىلۋى جانە ترومبوتسيتوپەنيا بار پاتسيەنتتەرگە ساقتىقپەن قولدانۋ كەرەك;
4) قاتەرلى ىسىك, نەفروزدىق سيندروم, جيتس-پەن اۋىراتىن ناۋقاستار (بۇل ادامداردا ۆاكتسينانىڭ قاۋىپسىزدىگى مەن تيىمدىلىگى تۋرالى دەرەكتەر الىنباعان) سياقتى يممۋندىق فۋنكتسياسى بۇزىلعان پاتسيەنتتەردە ساقتىقپەن پايدالانۋ كەرەك.
يممۋندىق-گلوبۋليندەر قابىلدايتىن ادامدار يممۋندىق تيىمدىلىككە اسەر ەتۋدى بولدىرماۋ ءۇشىن وسى پرەپاراتپەن كەمىندە 1 اي ارالىقپەن ۆاكتسيناتسيالانۋى ءتيىس. باسقا دارىلىك زاتتارمەن بىرىكتىرىپ قولدانۋ: يممۋندىق-سۋپرەسسيۆتى زاتتار سياقتى يممۋندىق-سۋپرەسسيۆتى پرەپاراتتار, حيميا-تەراپياعا ارنالعان دارىلىك زاتتار, مەتابوليزمگە قارسى پرەپاراتتار, الكيليرلەۋشى اگەنتتەر, تسيتوۋىتتى پرەپاراتتار, كورتيكوستەرويدتار جانە ت.ب. پرەپاراتتاردى بىرىكتىرىپ قولدانۋ ورگانيزمنىڭ وسى ونىمگە يممۋندىق رەاكتسياسىن تومەندەتۋى مۇمكىن. جاناما اسەرلەردىڭ پايدا بولۋ جيىلىگى: 1) وتە ءجيى: ينەكتسيا ورنىنداعى اۋىرسىنۋ, باس اۋرۋى;
2) ءجيى: قىزبا, شارشاۋ, ميالگيا, ارترالگيا, جوتەل, ەنتىگۋ, ديارەيا, قىشىنۋ;
3) ءجيى ەمەس: قىزارۋ, ءىسىنۋ, قاتايۋ, بورتپە, قىشىنۋ, باس اينالۋ, انورەكسيا, قۇسۋ, اۋىز-جۇتقىنشاقتىڭ اۋىرۋى, ديسفاگيا, تۇماۋ, ءىش قاتۋى, اسا جوعارى سەزىمتالدىق;
4) سيرەك: ەريتەما, جەدەل اللەرگيالىق رەاكتسيا, شارشاۋ, ۇيقىشىلدىق, ۇيىقتاي الماۋ, تۇشكىرۋ, نازوفارينگيت, مۇرىننىڭ بىتەلۋى, تاماقتىڭ قۇرعاۋى, تۇماۋ جاعدايى, تىتىركەندىرگىشتەرگە تومەن سەزىمتالدىق (گيپەستەزيا), اياق-قولدارداعى اۋىرسىنۋ, جۇرەك سوعىسىنىڭ جيىلەۋى, ءىش ايماعىنداعى اۋىرسىنۋ, بورتپە, تەرىنىڭ جانە شىرىشتى قابىقتاردىڭ قالىپتان تىس جاعدايى, بەزەۋ, كوزدىڭ اۋىرۋى (وفتالمودەنيا), قۇلاقتاعى جاعىمسىز سەزىمدەر, ليمفا تۇيىندەرىنىڭ ۇلعايۋى (ليمفادەنوپاتيا);
5) وتە سيرەك: قالتىراۋ, ءدام سەزۋدىڭ بۇزىلۋى, ءدام سەزبەۋ, كۇيدىرۋ جانە اشىتۋ سەزىمى (پارەستەزيا), ترەمور, زەيىن كونتسەنتراتسياسىنىڭ بۇزىلۋى, مۇرىننان قان كەتۋ (ەپيستاكسيس), دەمىكپە ۇستامالارى, تاماقتىڭ جىبىرلاۋى, تونزيلليت, فيزيكالىق جايسىزدىق, مويىننىڭ اۋىرۋى, جاقتىڭ اۋىرۋى, مويىننىڭ تىعىزدالۋى, اۋىزدىڭ شىرىشتى قابىعىنداعى جارالار, ءتىس اۋرۋى, وڭەش قىزمەتىنىڭ بۇزىلۋى, گاستريت ۇستامالارى, ءناجىستىڭ تۇسسىزدەنۋى, كوزدىڭ اۋىرۋى (وفتالمودەنيا), ب ۇلىڭعىر كورۋ, كوزدىڭ تىتىركەنۋى, قۇلاقتىڭ اۋىرۋى, كۇش تۇسكەنىن سەزىنۋ, قىسىم, تومەن قان قىسىمى, نەسەپ ۇستاماۋ, ەتەككىردىڭ كەشىگۋى.
ۆاكتسينامەن بايلانىستى كۇردەلى جاناما رەاكتسيالار بايقالعان جوق. ۆاكتسينانى ساقتاۋ شارتتارى – جارىقتان قورعالعان جەردە, سالقىن كۇيدە پليۋس 2° C-تان پليۋس 8 °C-قا دەيىنگى تەمپەراتۋرادا. مۇزداتۋعا بولمايدى. جارامدىلىق مەرزىمى – 24 اي. قاپتاماسىندا جانە زاتتاڭباسىندا كورسەتىلگەن جارامدىلىق مەرزىمى وتكەننەن كەيىن پايدالانۋعا بولمايدى.
قاۋلى قول قويىلعان كۇننەن باستاپ كۇشىنە ەنەدى.
