كورنەكى سۋرەت
بۇگىن قر توتەنشە جاعدايلار مينيسترلىگىندە قاراعاندى وبلىستىق توتەنشە جاعدايلار دەپارتامەنتىنىڭ ءورت سوندىرۋشىلەرى مەن 52859 اسكەري ءبولىمىنىڭ اسكەري قىزمەتشىلەرىن سالتاناتتى ماراپاتتاۋ شاراسى ءوتتى.
ولار بيىلعى شىلدە ايىنىڭ باسىندا قاراعاندى وبلىسىندا تۇتانعان دالا ءورتىنىڭ جاقىن ماڭداعى ەلدى مەكەندەرگە تارالۋىنىڭ الدىن الدى.
توتەنشە جاعدايلار ءمينيسترى يۋري يلين پرەزيدەنت قاسىم-جومارت توقاەۆتىڭ اتىنان باۋىرجان بىلالوۆكە, ۇلان كەڭەسكە, ۆلاديمير ماليۋتينگە, اياتوللا نابيەۆكە «ەرلىگى ءۇشىن» مەدالدارىن, سونداي-اق قازىبەك امىربەكوۆكە, بولات ورازبەكوۆكە, ءمادي رۇستەمگە, ەرجان سۇلتانبەكوۆكە قۇرمەت گراموتالارىن تابىستادى.
ء«بىزدىڭ قۇتقارۋشىلار دالا ورتتەرىن سوندىرۋگە اتسالىسقان قاتىسۋشىلارمەن بىرگە بايقوڭىر, العاباس, تۇيەمويناق, پيونەر, اقتاس, ق ۇلىمبەك, مالشىباي ەلدى مەكەندەرىن قورعاپ, وتتىڭ قارقىندى تارالۋىنىڭ الدىن الدى. بارلىعى 40 500 گەكتاردان استام دالا ءورتىن جويدى. مينيستر ماراپاتتالۋشىلارعا اۋىل شارۋاشىلىعى القاپتارىن ساقتاپ, ەلدى مەكەندەردى اۋقىمدى اپاتتان قۇتقارۋداعى كورسەتكەن باتىرلىعى مەن جوعارى كاسىبي بىلىكتىلىگى ءۇشىن العىس ايتتى. ماراپاتتاۋ راسىمىنەن كەيىن قاراعاندى وبلىسىنىڭ ءورت سوندىرۋشىلەرى مەن اسكەري قىزمەتشىلەرى ءۇشىن قر ۇلتتىق مۋزەيىندە جانە №4 مامانداندىرىلعان ءورت ءسوندىرۋ بولىمىندە ەكسكۋرسيا وتكىزىلدى», دەدى قر تجم ءباسپاسوز قىزمەتىنىڭ رەسمي وكىلى تالعات ءۋالي.
