اكتسيانى ەلوردا اكىمدىگى نۇر-سۇلتان قالاسىنىڭ كاسىپكەرلەر پالاتاسىنىڭ قاتىسۋىمەن بيىل ءۇشىنشى جىل ۇيىمداستىرىپ جاتىر. شارا شەڭبەرىندە جەكەلەگەن ساناتتاعى بالالاردى مەكتەپكە دايىنداۋ ءۇشىن ماتەريالدىق كومەك كورسەتىلەدى.
«بيىل اكتسيا اياسىندا جالپى سوماسى 600 ملن تەڭگەگە مەكتەپكە 15 مىڭ وقۋشىنى دايىنداۋ جوسپارلانعان.
اكتسياعا مەكتەپ فورماسى مەن اياق كيىم وندىرەتىن 18 وتاندىق تاۋار ءوندىرۋشى قوسىلۋعا نيەت ءبىلدىردى. قالا بويىنشا 30 ساۋدا نۇكتەسى جۇمىس ىستەيدى, وندا اتا-انالار ۇل-قىزدارعا ارنالعان مەكتەپ فورماسىن, سونىڭ ىشىندە جەيدە, بلۋزكا, سارافان, كوستيۋم (پيدجاك, كەۋدەشە, شالبار نەمەسە يۋبكا), جەمپىر ساتىپ الا الادى», دەپ حابارلادى نۇر-سۇلتان قالاسى كاسىپكەرلەر پالاتاسى ديرەكتورىنىڭ ورىنباسارى بەيسەن جولبولديەۆ.
