فوتو: PxHere
بۇعان دەيىن ۇكىمەت كۇشتەرى كانداگارعا بارا جاتقان گازني قالاسىنىڭ باسىپ الىنعانىن راستادى.
كەيىن اۋعانستان بيلىگى كانداگاردىڭ باسىپ الىنعانىن راستادى. قالا 12 تامىزدا كەشكە قۇلادى, دەيدى شەنەۋنىكتەر. جەرگىلىكتى بيلىك پەن ولاردىڭ اينالاسىنداعىلار قالادان كەتۋ ءۇشىن اۋەجايعا قاشىپ كەتتى دەگەن بولجام بار.
قالا - اتتاس پروۆينتسيانىڭ اكىمشىلىك ورتالىعى.
اۋعانستاننىڭ ۇلتتىق تاتۋلاسۋ جونىندەگى جوعارعى كەڭەسىنىڭ باسشىسى ابدۋللا ابدۋللا كاتاردىڭ دوحا قالاسىندا اۋعانستان ماسەلەسى بويىنشا كەزدەسۋ كەزىندە ەلدەگى جاعدايدىڭ قاۋىپتى ەكەنىن ايتتى.
11 تامىزدا «تاليبان» قوزعالىسى كانداگار قالاسىنداعى تۇرمەنى باسىپ الىپ, جۇزدەگەن تۇتقىندى بوساتقانى حابارلاندى. ءدال سول كۇنى سودىرلاردىڭ قالانى اۋعان اسكەرىنەن تازارتۋ تۋرالى جاريالاعانى بەلگىلى بولدى. ولار جەرگىلىكتى تۇرعىنداردان جاسىرىنعان ساربازداردى بەرۋدى تالاپ ەتتى, ايتپەسە «شاريعات بويىنشا جازا قولدانامىز» دەپ قورقىتتى.
