ايماقتار • 12 تامىز، 2021

الماتىدا مەكتەپ وقۋشىلارى قالاي وقيدى؟

123 رەت كورسەتىلدى

الماتىنىڭ ءبىلىم باسقارماسى مەكتەپتەردە جاڭا وقۋ جىلىنا دايىندىق قالاي ءجۇرىپ جاتقانىن جانە ساباقتار قالاي وتەتىنىن ايتتى، دەپ حابارلايدى Egemen.kz.

الماتىدا ەپيدەميولوگيالىق جاعدايعا قاراماستان، وقۋ جىلىن ءداستۇرلى فورماتتا باستاۋ جوسپارلانعان. وقۋ جىلى باستالعانعا دەيىن بارلىق ءبىلىم بەرۋ ۇيىمدارى Ashyq-قا قوسىلدى. سونداي-اق بارلىق مەكتەپ قىزمەتكەرلەرى ۆاكتسيانا العان.

«قارسى كورسەتىلىمى بار قىزمەتكەرلەردەن باسقا بارلىق جۇمىسشى ۆاكتسينا الدى. ەگەر بىزدە قىزمەتكەرلەردىڭ جالپى سانى 36 845 بولسا، ونىڭ ىشىندە 32 126 ادام ۆاكتسينا سالدىردى»، دەدى الماتى قالاسى ءبىلىم باسقارماسىنىڭ باسشىسى ءلاززات جىلقىباەۆا.

الماتى مەكتەپتەرىندە 2021-2022 وقۋ جىلىندا 1-11 سىنىپقا باراتىن وقۋشىلار سانى 300 مىڭ بالا بولۋى ءتيىس. ءبىرىنشى سىنىپقا 30 مىڭعا جۋىق بالا بارادى.

«مەكتەپتەردە دەنە قىزۋىن ولشەۋ، ۆيزۋالدى تەكسەرۋ، جەلدەتۋ، كۆارتس، تازالاۋ، ەسىك تۇتقالارىن انتيسەپتيكپەن وڭدەۋ، دارەتحانانى دىمقىل تازالاۋ ءار 2-3 ساعات سايىن جۇرگىزىلەدى»، دەيدى ءبىلىم باسقارماسىنىڭ باسشىسى.

سونىمەن قاتار باستاۋىش، ورتا جانە جوعارى سىنىپ وقۋشىلارىنىڭ مەكتەپكە بولەك (بالالار الەۋمەتتىك اراقاشىقتىقتى ساقتاۋ ءۇشىن مەكتەپكە ءار ءتۇرلى كىرەبەرىستەن جىبەرىلەدى) كىرۋى قاراستىرىلعان.

ەگەر وقۋشىلاردىڭ بىرەۋى اۋىرىپ قالسا، وندا بۇكىل سىنىپ قاشىقتان وقىتۋعا جىبەرىلەدى. ەگەر وقۋشىنىڭ اتا-اناسى اۋىرسا نەمەسە بايلانىستا بولسا، وندا ول قاشىقتان وقىتىلادى.

ءبىلىم باسقارماسى باسشىسىنىڭ ايتۋىنشا، كابينەتتەردىڭ تولتىرىلۋىنا شەكتەۋ جوق، سىنىپتا ءبىر سىنىپتىڭ بارلىق وقۋشىسى وتىرادى. مەكتەپتەردەگى جاپپاي ءىس-شارالار توقتاتىلدى، بىراق ەگەر اتا-انا مەكتەپكە بارعىسى كەلسە، وندا ولار Ashyq قوسىمشاسى ارقىلى تەكسەرىلەدى.

سوڭعى جاڭالىقتار

ۇقساس جاڭالىقتار