قوعام • 12 تامىز، 2021

شىعىس قازاقستاندا ينتەرنەت الاياقتارى ۇستالدى

76 رەت كورسەتىلدى

شىعىس قازاقستان وبلىسىنىڭ پوليتسەيلەرى ينتەرنەت قولدانۋشىلارىن الداپ، اقشا جىمقىرعان ەكى تۇرعىندى ۇستادى، دەپ جازادى Egemen.kz.

شىعىس قازاقستان وبلىسىنىڭ پوليتسەيلەرى الاياقتىققا قارسى رەسپۋبليكالىق جەدەل-پروفيلاكتيكالىق ءىس-شارا بارىسىندا ينتەرنەت قولدانۋشىلارىن الداپ، اقشا جىمقىرعان ەكى تۇرعىندى ۇستادى.

ۆەدومستۆونىڭ مالىمەتىنشە، كۇدىكتىلەردىڭ ءبىرى OLX ۆەب-سايتىنا سوڭعى ۇلگىدەگى ويىن پريستاۆكاسىن تومەن باعادا ساتۋ تۋرالى جالعان جارناما سالعان. قىزىعۋشىلىق تانىتقان ازاماتتارعا ساتىپ العىسى كەلەتىندەردىڭ كوپتىگىن ايتىپ، الدىن الا تولەم سۇراعان. اقشانى العن سوڭ تەلەفون ءنومىرىن بىردەن بۇعاتتاپ تاستاعان. وسىلايشا ول ەلىمىزدىڭ ءار وڭىرىندە تۇراتىن 9 ازاماتتان اقشا العان.

ەكىنشى كۇدىكتى ينتەرنەتتە نەسيە الۋعا كومەكتەسەتىنى تۋرالى جارناما جاريالاعان. كومەك سۇراپ حابارلاسقانداردان بارلىق قاجەتتى قۇجاتتى الىپ،  سولاردىڭ اتىنان ونلاين نەسيە راسىمدەگەن. تۇسكەن اقشاسى ءوزى الىپ وتىرعان. 

بۇگىندە ءتارتىپ ساقشىلارى ونىڭ زاڭسىز ارەكەتىنەن زارداپ شەككەن 12 ازاماتتى انىقتادى.

«كۇدىكتىلەردىڭ ارەكەتى قر قىلمىستىق كودەكسىنىڭ 190-بابى، 2-بولىگى بويىنشا قارالىپ جاتىر. 5 جىلعا دەيىن باس بوستاندىعىنان ايىرۋ جازاسى قاراستىرىلعان. ەكەۋى دە ۋاقىتشا ۇستاۋ يزولياتورىنا قامالدى، تەرگەۋ جالعاسۋدا»، دەدى شقو پوليتسيا دەپارتامەنتىنىڭ باستىعى ساعات ماديەۆ.

 

سوڭعى جاڭالىقتار

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار