2020 جىلدىڭ جەلتوقسان ايىندا كوكشەتاۋ قالالىق پب كەزەكشى بولىمىنە وبلىس ورتالىعىنىڭ 50 جاستاعى تۇرعىنى جۇگىندى. ايەل «مانيمەن» مقۇ-دا ينتەرنەت-رەسۋرس ارقىلى بەلگىسىز ادام ونىڭ اتىنا 65 مىڭ تەڭگە سوماعا ونلاين-قارىز رەسىمدەگەنىن حابارلادى. اتالعان ءىس بويىنشا قر قك 190-بابىنىڭ 2-بولىگى (الاياقتىق) بويىنشا سوتقا دەيىنگى تەرگەۋ باستالدى. جەدەل-پروفيلاكتيكالىق ءىس-شارالار بارىسىندا كۇدىكتى انىقتالىپ, ۇستالدى. ول بۇرىن قك 190-بابى 3-بولىگى بويىنشا سوتتالعان, «ينتەرنەت-الاياق» ساناتى بويىنشا ەسەپتە تۇرعان 40 جاستاعى قاراعاندى قالاسىنىڭ تۇرعىنى بولىپ شىقتى.
ەستەرىڭىزگە سالا كەتەيىك, اقمولا وبلىسىنىڭ اۋماعىندا اعىمداعى جىلدىڭ 9-15 تامىز ارالىعىندا اقپاراتتىق تەحنولوگيالاردى, ونىڭ ىشىندە, ينتەرنەت-الاياقتىقتاردى پايدالانا وتىرىپ جاسالاتىن قۇقىق بۇزۋشىلىقتارعا قارسى كۇرەسكە باعىتتالعان «Anti-fraud» رەسپۋبليكالىق جەدەل الدىن الۋ ءىس-شاراسى وتكىزىلىپ جاتىر.
