مۇنداي بۇرىشتاردا كومپيۋتەرى نەمەسە ينتەرنەتكە كىرۋ مۇمكىندىگى جوق ازاماتتار مەملەكەتتىك قىزمەتتەرمەن ءوز بەتىنشە ونلاين پايدالانا الادى. قىزمەت الۋشىلاردىڭ سۇراقتارى تۋىنداعان جاعدايدا, بۇرىشتاردىڭ جانىندا مەملەكەتتىك كورپوراتسيانىڭ قىزمەتكەرلەرى كەڭەس بەرىپ وتىرادى.
بۇرىشتار اۋداندىق اكىمدىكتەردىڭ, مەملەكەتتىك كىرىستەر باسقارمالارىنىڭ عيماراتتارىندا, «جانۇيا» وتباسىن قولداۋ ورتالىعىندا جانە «سارىارقا» سوو اۋماعىندا ورنالاسقان. بۇل تۇرعىنداردىڭ كوپشىلىگىن ەلەكتروندىق مەملەكەتتىك قىزمەتتەرمەن قامتۋعا مۇمكىندىك بەرەدى جانە حقكو جانىنداعى وزىنە-ءوزى قىزمەت كورسەتۋ ايماعىنا جۇگىنۋشىلەردىڭ جۇكتەمەسىن ازايتۋعا ۇلەس قوسادى.
«بىزدىڭ تسيفرلىق بۇرىشتارىمىز حقكو-لاردا ادامداردىڭ كوپتەپ جينالۋىن بولدىرماۋ ءۇشىن جاسالىنعان. پاندەميا جاعدايىندا, كليەنتتەردى قابىلداۋ تەك برون ارقىلى جۇزەگە اسىرىلاتىن بولسا, Egov تسيفرلىق بۇرىشتارى قانداي دا ءبىر سەبەپتەرمەن كومپيۋتەرگە كىرە المايتىن ادامدارعا مەملەكەتتىك قىزمەتتەردى الۋعا كومەكتەسەدى. بۇل وتە ىڭعايلى. سونىمەن قاتار قازىر جوعارى وقۋ ورىندارىنا ءتۇسۋ كەزەڭى. سوندىقتان ءبىز جوعارى وقۋ ورىندارىنىڭ اۋماعىندا تسيفرلىق بۇرىشتاردى ىسكە قوسۋدى دا جوسپارلاپ وتىرمىز», دەدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ەلوردالىق فيليالىنىڭ ديرەكتورى ءمادي سادانوۆ.
