ۆاكتسينا ءۇش كەزەڭنەن تۇراتىن سىناقتان وتكىزىلگەن. سوڭعى كەزەڭ ناتيجەلەرى 21 كۇن ارالىقپەن بەرىلگەن ۆاكتسينانىڭ ەكى دوزاسى SARS-CoV-2 ينفەكتسياسىنا قارسى 79% ءتيىمدى ەكەنىن كورسەتتى. جاناما اسەرلەرى سالدىرعاننان كەيىن ەكى اپتادان سوڭ جوعالادى.
Vero Cell ۆاكتسيناسىن 18 جاستان اسقان ادامدارعا ەگۋ ۇسىنىلادى. قازىرگى ۋاقىتتا كامەلەتكە تولماعان ادامداردى ۆاكتسيناتسيالاۋ بويىنشا سىناق ءجۇرىپ جاتىر.
پرەپاراتتى قاپتاماسىندا توڭازىتقىشتا +2 -دەن +8°س-گە دەيىنگى تەمپەراتۋرادا ءبىر جىلدان اسپايتىن ۋاقىت نەمەسە قاپتامادا كورسەتىلگەن مەرزىم اياقتالعانعا دەيىن جارىقتان قورعالعان جەردە ساقتاۋ كەرەك.
ۆاكتسيناتسيا شارتتارى:
پرەپارات اللەرگيالىق رەاكتسيا بەرگەن جاعدايدا وڭاي مەديتسينالىق كومەك كورسەتۋگە بولاتىن جەرگە ەگىلەدى;
تەمپەراتۋراسى 38,5°س-تان جوعارى ادامدار دەنە تەمپەراتۋراسى قالىپقا كەلگەنشە ۆاكتسينانى كەيىنگە قالدىرۋى كەرەك;
كوروناۆيرۋس جۇقتىرعان ادام تولىق ەمدەلمەيىنشە سالدىرماعانى ءجون;
ەگەر ءبىرىنشى دوزا ادامدارعا انافيلاكتيكالىق رەاكتسيا تۋدىرسا, ەكىنشى دوزاسى تاعايىندالمايدى.
قازىرگى ۋاقىتتا ۆاكتسينانىڭ سوزىلمالى اۋرۋلارى بار ادامدارعا, 60 جاستان اسقان ادامدارعا, جۇكتى جانە بالا ەمىزەتىن ايەلدەرگە, ۆيچ-ءپوزيتيۆتى ادامدارعا جانە يممۋنيتەتى السىرەگەن ادامدارعا قاۋىپسىزدىگى مەن تيىمدىلىگى تۋرالى اقپارات ناقتىلانعان جوق.
