مەديتسينا • 11 تامىز، 2021

ناۋقاستارعا دۇرىس قىزمەت كورسەتپەگەن اۋرۋحانالار 995 ملن تەڭگە ايىپپۇل ارقالادى

64 رەت كورسەتىلدى

جىل باسىنان بەرى الماتى تۇرعىندارىنا كورسەتىلگەن مەديتسينالىق كومەك ساپاسىن باقىلاۋ بارىسىندا 49 مىڭنان استام قىزمەتتىڭ ءتۇرلى كەمشىلىكپەن كورسەتىلگەنى بەلگىلى بولدى. تەكسەرىس ناتيجەسىندە قالاداعى ەمدەۋ مەكەمەلەرىنە 995 ملن تەڭگە ايىپپۇل سالىندى. بۇل تۋرالى «الەۋمەتتىك مەديتسينالىق ساقتاندىرۋ قورى» كەاق الماتى فيليالىنىڭ ديرەكتورى مالىمدەدى، دەپ حابارلايدى Egemen.kz

تىلەۋحان ابىلداەۆتىڭ سوزىنە سۇيەنسەك، كەمشىلىكتىڭ باسىم بولىگىنە باستاپقى مەديتسينالىق-سانيتارلىق كومەك ۇيىمدارى جول بەرگەن. ەمحانالار كورسەتكەن قىزمەتتەن 44 مىڭ كەمشىلىك انىقتالىپ، 124،9 ملن تەڭگە قايتارىپ الىندى.

سونىمەن بىرگە، اقاۋمەن كورسەتىلگەن 4،6 مىڭ قىزمەت ستاتسيونارلار مەن ستاتسيوناردى الماستىراتىن كومەك ۇيىمدارىنا تيەسىلى ەكەنى ەلگىلى بولدى. ولار 870،2 ملن تەڭگە ايىپپۇل تولەدى.

«مونيتورينگ بارىسىندا انىقتالعان كەمشىلىكتەردىڭ دەنى ەمدەۋ-دياگنوستيكا بارىسىندا بەلگىلەنگەن ستاندارتتاردان اۋىتقۋ، مەديتسينالىق قۇجاتتاردى دۇرىس تولتىرماۋ، قىزمەت باعاسىن نەگىزسىز ءوسىرۋ سىندى ولقىلىقتار. سونىمەن قاتار، «كورسەتىلدى» دەپ جازعان بەلگىلى ءبىر قىزمەت تۇرلەرىنىڭ شىن مانىندە كورسەتىلگەنىن راستاي الماعان كلينيكالار دا بار»، دەدى تىلەۋحان ابىلداەۆ.

بۇدان بىلاي قور ساراپشىلارى حالىققا كورسەتىلگەن قىزمەت ساپاسىن تۇراقتى باقىلاپ وتىرادى. كورسەتىلگەن قىزمەت اقىسى دا جان-جاقتى تەكسەرۋدەن كەيىن تولەنەدى. قايتارىپ الىنعان قاراجات مەديتسينالىق كومەكتىڭ وزگە تۇرلەرىنە جۇمسالادى.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار