پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي, جەدەل باسقارۋ ورتالىعى كەزەكشى ءبولىمىنىڭ «102» تەتىگىنە بەلگىسىز ادامنان تاراز قالاسىنداعى «MART» ساۋدا ورتالىعىنىڭ عيماراتىنا جارىلعىش زات قويىلعانى تۋرالى حابارلاما تۇسكەن.
اتالعان ساۋدا ورتالىعىنا كەلگەن پوليتسيا قىزمەتكەرلەرى 300-دەن استام ادامدى شۇعىل ەۆاكۋاتسيالادى. عيماراتقا تولىق تەكسەرۋ جۇرگىزىلدى. جارىلعىش زات تابىلعان جوق. «قازىرگى تاڭدا كورىنەۋ جالعان اقپاراتتى حابارلاۋ دەرەگى بويىنشا سوتقا دەيىنگى تەرگەۋ امالدارى باستالدى.
قر قىلمىستىق-پروتسەستىك كودەكسىنىڭ 201-بابىنىڭ تالاپتارىنا سايكەس, سوتقا دەيىنگى تەرگەپ-تەكسەرۋدىڭ باسقا دەرەكتەرى تەرگەۋ مۇددەسىنە وراي جاريالاۋعا جاتپايدى», دەلىنگەن ۆەدومستۆو مالىمەتىندە.
