«جاڭا وقۋ جىلىنا دايىندىق جۇرگىزۋ بارىسىندا 268 مەكتەپ كۇردەلى جوندەۋ جۇمىسىمەن قامتىلدى. باسىم كوپشىلىگى وقۋ جىلىنىڭ باسىنا دەيىن اياقتالادى. دەگەنمەن, 36 مەكتەپتە كۇردەلى جوندەۋ جۇمىسىن اياقتاماۋ قاۋپى بار. 1 قىركۇيەككە دەيىن جوندەۋ جۇمىستارى اياقتالمايتىن مەكتەپتەردىڭ ەڭ كوپ سانى الماتى, قوستاناي وبلىستارىندا. سوندىقتان وسى وبلىستاردىڭ اكىمدەرىن اتالعان ماسەلەنى جەكە باقىلاۋدا الىپ, ءتيىستى ءىس-شارا قولدانۋلارىن سۇرايمىن», دەدى اسحات ايماعامبەتوۆ.
مينيستر وقۋشىلاردىڭ وقۋلىقپەن قامتۋ جايىن دا ەرەكشە نازارعا الدى.
«بيىل 1-سىنىپ وقۋشىلارىن جاڭا وقۋلىقتارمەن قامتاماسىز ەتۋ ءۇشىن جۇمىس جۇرگىزىلۋدە. قازىرگى ۋاقىتتا ولاردى باسپالاردان جەتكىزۋ جۇمىسىن ۇيىمداستىرىپ جاتىرمىز. ودان باسقا وقۋشى كونتينگەنتىنىڭ وسۋىنە بايلانىستى قوسىمشا وقۋلىقتار جانە مەملەكەت باسشىسىنىڭ تاپسىرماسى بويىنشا كوركەم ادەبيەت ساتىپ الۋ جۇمىسى دا ۇيىمداستىرىلۋدا. بىراق, 2 وبلىس بويىنشا وقۋلىقتار جەتكىلىكسىز. ولار: تۇركىستان جانە پاۆلودار وبلىستارى. بىراق, قازىر بۇل وبلىستار قوسىمشا قارجى ءبولىپ, ماسەلە شەشەمىن تابۋدا», دەدى ول.
