قىزىلوردا قالالىق پوليتسيا باسقارماسىنىڭ كەزەكشى بولىمىنە قالا تۇرعىنى ارىز تۇسىرگەن. ونىڭ ايتۋىنشا, قالا ورتالىعىنداعى كوشەلەردىڭ بىرىندە بەلگىسىز بىرەۋ تاكسي توقتاتىپ, بەلگىلەنگەن جەرگە اپارىپ تاستاۋىن سۇراعان. ناتيجەسىندە جولاۋشى تاكسي جۇرگىزۋشىسىنىڭ اۆتوكولىگىندە جاتقان 800 مىڭ تەڭگە اقشاسى مەن Samsung ماركالى ۇيالى تەلەفونىن قولدى قىلعان.
ۇرىنى قاماۋعا الۋ ماقساتىندا جەرگىلىكتى پوليتسەيلەردەن جەدەل-تەرگەۋ توبى قۇرىلىپ, جان-جاقتى ىزدەستىرۋ جۇمىستارى جۇرگىزىلدى. ناتيجەسىندە كۇدىكتى انىقتالىپ, ۇستالدى. ول 26 جاس شاماسىنداعى قىزىلوردالىق ايەل بولىپ شىقتى. تاكسيگە مىنگەن قىلمىسكەر 880 مىڭ تەڭگە شىعىن كەلتىرگەن.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 188-بابىنىڭ 1-بولىگى (ۇرلىق, ياعني بوتەننىڭ مۇلكىن جاسىرىن ۇرلاۋ) بويىنشا سوتقا دەيىنگى تەرگەۋ جۇمىستارى جۇرگىزىلۋدە.
