«تۇران-استانا» ۋنيۆەرسيتەتىنىڭ عالىمدارى استانا قالالىق ءبىلىم باسقارماسىمەن بىرلەسىپ ۇيىمداستىرعان «عالامدىق عىلىمي-تەحنيكالىق اقپارات رەسۋرستارى جانە ەلەكتروندى ءبىلىم نەگىزدەرى» اتتى عىلىمي سەميناردا اتالمىش سالادا تۋىنداپ وتىرعان وزەكتى ماسەلەلەرگە نازار اۋدارىلدى. جاڭا تەحنولوگيا بويىنشا ءبىلىم بەرۋدى ماقسات ەتكەن ارنايى ءىس-شارانى اشىپ سويلەگەن سوزىندە ۋنيۆەرسيتەت پرورەكتورى مۇحانبەت شايجانوۆ بۇگىنگە دەيىن قالىپتاسقان تاجىريبەنى ءبولىسۋدى, كۇردەلى تۇيىندەردى بىرلەسىپ شەشۋگە تالپىنىس جاسالاتىنىن ەرەكشە اتاپ كورسەتتى.
«تۇران-استانا» ۋنيۆەرسيتەتىنىڭ عالىمدارى استانا قالالىق ءبىلىم باسقارماسىمەن بىرلەسىپ ۇيىمداستىرعان «عالامدىق عىلىمي-تەحنيكالىق اقپارات رەسۋرستارى جانە ەلەكتروندى ءبىلىم نەگىزدەرى» اتتى عىلىمي سەميناردا اتالمىش سالادا تۋىنداپ وتىرعان وزەكتى ماسەلەلەرگە نازار اۋدارىلدى. جاڭا تەحنولوگيا بويىنشا ءبىلىم بەرۋدى ماقسات ەتكەن ارنايى ءىس-شارانى اشىپ سويلەگەن سوزىندە ۋنيۆەرسيتەت پرورەكتورى مۇحانبەت شايجانوۆ بۇگىنگە دەيىن قالىپتاسقان تاجىريبەنى ءبولىسۋدى, كۇردەلى تۇيىندەردى بىرلەسىپ شەشۋگە تالپىنىس جاسالاتىنىن ەرەكشە اتاپ كورسەتتى.
قالا مەكتەپتەرى ۇستازدارى نادەجدا رومانوۆا, گۇلجان ءداۋلەتبەكوۆا ءوز ءبىلىم وشاقتارىنداعى ەلەكتروندى وقىتۋ تاجىريبەلەرىن ورتاعا سالسا, ۋنيۆەرسيتەت عالىمدارى سەرگەي ينيۋتين, مۇحامەدراحيم قۇرساباەۆ, قانات سامارحانوۆ, اسقار باقىتجان, ۆلاديسلاۆ ياكوۆلەۆ جاساعان باياندامالاردا عىلىمي-تەحنيكالىق اقپاراتتاردىڭ ەلەكتروندى ءبىلىم بەرۋ ىسىندەگى تەوريالىق تۇجىرىمدامالارى ءسوز ەتىلدى.
پەداگوگيكا عىلىمدارىنىڭ كانديداتى, قاۋىمداستىرىلعان پروفەسسور مۇحامەدراحيم قۇرساباەۆتىڭ جاساعان بايانداماسى عىلىمي سەمينارعا قاتىسۋشىلاردى ەرەكشە قىزىقتىردى. قازاق پەداگوگيكاسىندا بالانى دۇنيەگە كەلگەندە ەمەس, انا جاتىرىندا قالىپتاسا باستاعان كۇننەن باستاپ تاربيەلەۋ جونىندە عاسىرلىق تاجىريبە بارىن مالىمدەگەن عالىم بۇگىنگى ءسابي ءوز اناسىنىڭ بويىندا 9 اي بويى ءوسۋ بارىسىندا ءتۇرلى دىبىستار مەن شۋلارعا, كوممۋنيكاتسيالىق قۇرالدار تەربەلىستەرىنە ايرىقشا تىتىركەنىپ, جاۋاپ بەرەتىندىگىنە توقتالدى.
كۇندەلىكتى ومىردە جاڭا تۋعان نارەستەنىڭ ەڭبەكتەي باستاعان كەزىنەن ونىڭ تەلەديدار «ءپۋلتىن» باسۋعا نەمەسە ۇيالى تەلەفوندى قولىنا الىپ, وڭدى-سولدى باسۋعا دەگەن سەنسورلىق-موتوريكالىق ۇمتىلىسىنىڭ بايقالاتىنى بەلگىلى. عالىم ۋاقىت وتە كەلە, كەز كەلگەن بالانىڭ ۇيالى تەلەفوندى باسىپ, قالاعان مۋزىكالىق اۋەنىن ەستۋگە, فوتوبەينەلەردى كورۋگە, ۆيرتۋالدى ويىنداردى ويناۋعا ۇمتىلاتىنىن ەسكە سالادى. 2014 جىلى الەمدىك نارىق كوشباسشىلارىنا اينالعان «IPhone», «Samsung Galaxy», «Nokia» سياقتى ەلەكتروندى كومپانيالاردىڭ 32 GB تارتۋلارى – ءسوزسىز جاس ۇرپاق ساناسى مەن ينتەللەكتۋالدىق ارەكەتىنە ىقپال ەتەتىندىگىن اتاپ ءوتتى.
بۇگىنگى قازاقستان الەمدەگى ەڭ جاس ۇلت بولعانىمەن, جاس جەتكىنشەكتەردىڭ ساندىق-اقپاراتتىق تەحنولوگيالاردى مەڭگەرۋگە باسقا ەلدەرمەن سالىستىرعاندا اناعۇرلىم بەيىم ەكەنى تانىلۋدا. بۇعان ءبىر سەبەپ, ءبىلىم جۇيەسىن اقپاراتتاندىرۋ ماسەلەسى مەملەكەت تاراپىنان كوپ جىلداردان بەرى قولعا الىنعانىن اتاپ كورسەتكەن بايانداماشى ەلباسى نۇرسۇلتان نازارباەۆتىڭ «بارلىق مەكتەپتەردى جاپپاي كومپيۋتەرلەندىرۋ» جونىندەگى باستاماسى قازىردىڭ وزىندە ناتيجە كورسەتە باستاعاندىعىن ايتتى. 2003 جىلدان بەرى رەسپۋبليكا مەكتەپتەرى «E-Learning» باعدارلاماسىمەن جۇمىس ىستەپ كەلەدى. بۇگىندە 3 ميلليونعا جۋىق وقۋشىنى تولىق اقپاراتتاندىرۋ ەلىمىزدىڭ قارقىندى دامۋىنا نەگىز قالاۋدا.
سوڭعى جىلدارى جاستاردىڭ, اسىرەسە, مەكتەپ وقۋشىلارىنىڭ ينتەرنەت-كلۋبتارعا ءجيى بارۋىنىڭ ءبىر سەبەبى, وقۋشى مەن مۇعالىم اراسىنداعى اقپاراتتىق الشاقتىق كورىنىسى. ەگەر ۇستاز ءپاندى زامان تالابىنا ساي ەلەكتروندى ويىن-ساباق رەتىندە وقۋشىعا جەتكىزە بىلگەندە, بالا ينتەرنەت-كلۋبقا بارماس ەدى دەگەن ويلار دا ورتاعا سالىندى. ال, ەلەكتروندى وقۋلىقتار – ۆيرتۋالدى ويىن فورماتتارىنا ساي ەمەس, ءتىپتى, باسەكەگە قابىلەتسىز دەپ تانىعان بايانداماشى ينتەرنەت-كلۋبقا بالالاردى ءجيى بارۋعا يتەرمەلەيتىن نەگىزگى قوزعاۋشى كۇش جارناما ەكەندىگىن تۇجىرىمدادى.
جارناما پسيحولوگيالىق جاعىنان ەرەسەك ادامدارعا, اسىرەسە, جاسوسپىرىمدەردىڭ ساناسىنا زور ىقپال ەتەدى. ونىڭ نەگىزگى نىسانى «ءسان» نەمەسە قازىرگى تىلمەن ايتقاندا «Brend» بولىپ تابىلادى. وقۋشىلاردىڭ ەرەسەك ادامدارمەن قاتار الەمدىك ەلەكتروندى نارىق كوشباسشىلارىنا اينالعان «IPhone», «Samsung Galaxy», «Nokia» ۇيالى تەلەفوندارى مەن پلانشەتتەرىن مەڭگەرۋ مەن ۇيرەنۋگە دەگەن ىنتا-جىگەرلەرىنىڭ اسا باسىم ەكەندىگى قاپەرگە الىنۋعا ءتيىس. ءتىپتى, مۇعالىمدەرگە قاراعاندا وقۋشىلاردىڭ ءىت-قۇرالداردى پايدالانۋ مۇمكىندىكتەرىنىڭ اناعۇرلىم الدا ەكەندىگىنە دە عىلىمي-سەمينار ەرەكشە نازار اۋداردى.
ءاليا اياپبەكوۆا,
تۇران-استانا ۋنيۆەرسيتەتى
«تۋريزم جانە سەرۆيس»
كافەدراسىنىڭ مەڭگەرۋشىسى.
