جامبىل وبلىستىق توتەنشە جاعدايلار دەپارتامەنتى ءورت ءسوندىرۋ مەكەمەسىنىڭ 101 تەلەفون نومىرىنە تاراز قالاسى اباي كوشەسى, 280 مەكەنجايىندا ورنالاسقان قالالىق №2 پوليتسيا بولىمىندە ءورت وقيعاسى ورىن العاندىعى جونىندە حابارلاما كەلىپ تۇسكەن.
بۇل تۋرالى وبلىستىق تجد ءباسپاسوز قىزمەتى حابارلادى.
«شاقىرتۋ بويىنشا وقيعا ورنىنا تاراز قالالىق ورتكە قارسى قىزمەت گارنيزونىنىڭ كۇش-قۇرالدارى جەتتى. ءتىلسىز جاۋدى اۋىزدىقتاۋعا 11 ءورت ءسوندىرۋ تەحنيكاسى مەن 46 ادام جۇمىلدىرىلدى. ءورت ءسوندىرۋ بارىسىندا سۋ بەرۋگە ارنالعان 5 قول وقپانى قولدانىلدى. سونداي-اق وقيعا ورنىندا گاز-تۇتىننەن قورعاۋ 3 توبى قۇرىلىپ, ءورت ءسوندىرۋ جۇمىسىن اتقاردى», دەلىنگەن ۆەدومستۆو حابارلاماسىندا.
ءورت دەرەۋ وقشاۋلانىپ, تولىعىمەن ءسوندىرىلدى. ءورتتىڭ اۋدانى 30 شارشى مەتردى قۇرادى. زارداپ شەككەندەر جوق. قازىرگى ۋاقىتتا ماتەريالدىق شىعىن كولەمى مەن ءورتتىڭ سەبەپتەرى انىقتالىپ جاتىر.
