10 تامىز – اباي كۇنىنە وراي سەمەيلىك وقۋشىلار ۇلى اقىننىڭ پاننو پورترەتىن جاسادى. ول ءۇشىن 3000 رۋبيك تەكشەسى قاجەت بولدى.
بۇعان دەيىن وقۋشىلار ساياسي قۋعىن-سۇرگىن قۇرباندارىن ەسكە الۋ كۇنىندە ءاليحان بوكەيحاننىڭ پورترەتىن جاساعان بولاتىن.
«حاكىمنىڭ 176 جىلدىعىنا وراي بالالارمەن بىرىگىپ, ونىڭ پاننو پورترەتىن جاساپ شىقتىق. وقۋشىلار بۇل پورترەتتى 6 ساعاتتا قۇراستىردى. مۇقيات قاراساڭىز, پاننو پيكسەلدەردەن تۇرادى. ونى تولىق قۇراۋ ءۇشىن ارنايى باعدارلاما بار. ول دايىن پورترەتتى كۋبيكتىڭ تۇستەرىنە سايكەس رەتتەپ قويىپ بەرەدى. پاننو پورترەتتىڭ جالپى سالماعى 450 كەلىنى قۇرايدى», دەدى «قازاقستان سپيدكۋبينگ فەدەراتسياسى» قوعامدىق بىرلەستىگىنىڭ باسشىسى ارمان ماشيموۆ.
ايتا كەتەيىك, ابايدىڭ پاننو پورترەتى سەمەيدەگى مۋزەيگە قويىلىپ, تامىز ايىنىڭ اياعىنا دەيىن كەلۋشىلەردىڭ نازارىنا ۇسىنىلادى.
