اقش پرەزيدەنتى دجو بايدەن ادىلەت مينيسترلىگىنىڭ 20 جىل بۇرىن بولعان تەررورلىق ارەكەتتىڭ قۇجاتتامالارىن قايتا قاراۋ تۋرالى سوزىنە تۇسىنىكتەمە بەردى.
ونىڭ ايتۋىنشا, اقش قوعامى مەن ادامزات تاريحىنداعى ەڭ ۇلكەن تەررورلىق شابۋىلدىڭ بەلگىسىز بولشەكتەرىنەن حالىق حاباردار بولۋى ءۇشىن, بۇل ءىستىڭ «قۇپيالىعىن» جويۋ كەرەك.
بۇعان دەيىن, قازا بولعانداردىڭ وتباسىلارى بايدەنگە شارت قويعان بولاتىن. ەگەر ول ءتيىستى قۇجاتتاردى جاريا ەتپەسە, حالىق پرەزيدەنتتىڭ تەررورلىق شابۋىلدى ەسكە الۋعا ارنالعان ءىس-شارالارعا قاتىسۋىنا نارازى بولماق.
اقش تۇرعىندارى بۇل قاعازداردا نيۋ-يوركتەگى ەگىز مۇنارالارعا قۇلاعان ۇشاقتاردى باسىپ الۋعا ساۋد ارابياسى بيلىگىنىڭ قاتىستىلىعى تۋرالى اقپارات بولۋى مۇمكىن دەپ ەسەپتەيدى. سەبەبى, قۇلاعان ۇشاقتاردىڭ ءبىرى پەنتاگوندى سوققان.
كونگرەسسۆۋمەن تۋلسي گاببارد ساۋد ارابياسىنىڭ 2001 جىلعى قايعىلى وقيعالارعا قاتىسى بارىن انىقتاۋدى تالاپ ەتكەن. ونىڭ پىكىرىنشە, بيلىك بۇل ماسەلە بويىنشا ەر-ريادتى «قورعاشتاۋى» مۇمكىن. الايدا, گاببارد قانداي اقپاراتتى تالاپ ەتەتىنىن ناقتىلامادى.
كەش جۇرگىزىلگەن تەرگەۋلەر بويىنشا ەر-ريادتىڭ شابۋىل ۇيىمداستىرۋشىلارىن قولداعانى تۋرالى ەشقانداي دالەل انىقتالماعان. دەسە دە, 19 ۇشاق ۇرلاۋشىلاردىڭ 15-ءى پاتشالىق ازاماتتارى بولدى. ال ۇشاق ۇرلاۋشىلار توبىن مىسىرلىق موحاممەد اتتا باسقارعان.
