وتكەن بىرنەشە ايدا وبلىستىق ساۋىقتىرۋ ۇيلەرىندە 75 جاستان اسقان ازاماتتاردى ۆاكتسيناتسيالاۋ جاس ساناتى بويىنشا جاسالعان كەزەك نەگىزىندە جۇرگىزىلدى. سودان بەرى جۇزدەگەن ازامات ءتۇرلى سەبەپتەرمەن ۆاكتسيناتسيادان باس تارتقان, ونىڭ ىشىندە ۆاكتسينانىڭ جاناما اسەرى دە بار.
جەرگىلىكتى بيلىك بۇل ازاماتتاردى «جازالاۋ» شارالارىن كۇشەيتتى. مەملەكەتتىك مەكەمە باسشىلىعى قاراماعىنداعىلارعا ەكپەدەن باس تارتقاندار جۇمىستان شىعارىلاتىنىن دا ەسكەرتتى.
دەنساۋلىق ۇيلەرىنىڭ وتباسىلىق دارىگەرلەرى دە لەباپ وبلىستىق پوليتسيا بولىمىنە ەكپەدەن باس تارتقان ازاماتتاردىڭ ءتىزىمىن تاپسىرىپ جاتىر. بۇل تىزىمگە سايكەس, ەكپەدەن باس تارتقان تۇرعىندارعا 113 مانات (13 799 تەڭگە) ايىپپۇل سالىنادى.
باسىلىم جازعانداي, مىندەتتى ۆاكتسيناتسيادان ءوتىپ جاتقان ازاماتتار ۆاكتسينا اقىسىن تولەۋگە مىندەتتى. مەديتسينا قىزمەتكەرلەرى ۆاكتسينانىڭ جالپى قۇنى 300 مانات (36 635 تەڭگە) ەكەنىن ايتىپ وتىر.
ۋاقىتىلى ۆاكتسيناتسيادان باس تارتقان زەينەتكەرلەرگە دە ايىپپۇل سالىنادى, سودان كەيىن ۆاكتسينانىڭ قۇنىن تولەي وتىرىپ, كۇشتەپ ەگىلەدى.
