ايماقتار • 09 تامىز، 2021

بيىل الماتىدا تاعى ءۇش جاڭا جولايرىق سالىنادى

61 رەت كورسەتىلدى

الماتى قالالىق موبيلدىلىك باسقارماسىنىڭ باسشىسى عاني مىرزاحانوۆ ءۇش جول ايرىعىنىڭ قۇرىلىسى تۋرالى ايتتى، دەپ حابارلايدى Egemen.kz.

«قازىرگى ۋاقىتتا ءۇش جول ايرىعىنىڭ قۇرىلىسى ءجۇرىپ جاتىر. اعىمداعى جىلى رىسقۇلوۆ داڭعىلى مەن ەمتسوۆ كوشەسىنىڭ قيىلىسىنداعى كولىك ايىرىعى بويىنشا اۆتوكولىك قۇرالدارى ءۇشىن قوزعالىس اشۋ، ال كەلەسى جىلى سەيفۋللين داڭعىلى – جانسۇگىروۆ كوشەسى، بۇقتىرما كوشەسى – قۇلجا تراكتىسى ايىرىقتارىنىڭ قۇرىلىسىن اياقتاۋ جوسپارلانۋدا»، دەدى ول وكك بريفينگى بارىسىندا.

ونىڭ ايتۋىنشا، قازىرگى ۋاقىتتا ءتورت كوشە تەسىگىنىڭ قۇرىلىسى جۇرگىزىلۋدە.

«بيىل قۇرىلىس-مونتاج جۇمىستارىن اياقتاپ، اباي داڭعىلى، الاتاۋ كوشەسى مەن اۋەزوۆ كوشەسىن اۆتوكولىك قۇرالدارى ءۇشىن قوزعالىس اشۋ جوسپارلانۋدا، 2023 جىلى ساين كوشەسىن اياقتاۋ جوسپارلانۋدا»، دەپ قوستى سپيكەر.

اعىمداعى جىلى الاتاۋ، تۇركسىب جانە ناۋرىزباي اۋداندارىنىڭ سەگىز شاعىن اۋدانى: وجەت، شاڭىراق-5، سامعاۋ، العاباس، نۇرشاشقان، المەرەك، قايرات پەن قۇرامىستا جول سالۋ جۇمىستارى جۇرگىزىلۋدە. ونىڭ ىشىندە ۇزىندىعى 108 كم 415 كوشە بار. بۇگىنگى تاڭدا ۇزىندىعى 35 كم 132 كوشەنىڭ قۇرىلىسى اياقتالدى، اعىمداعى جىلدىڭ سوڭىنا دەيىن 75 كم جولدى اياقتاۋ جوسپارلانۋدا.

عاني مىرزاحانوۆ الماتىدا كوشە-جول جەلىسىنىڭ جالپى ۇزىندىعى 3 096 كم قۇرايتىنىن، ونىڭ 298 كم قاتتى جابىندىسى جوق ەكەنىن اتاپ ءوتتى. بيىل ۇزىندىعى 206 كم بولاتىن 212 كوشەگە، ونىڭ ىشىندە قالانىڭ 20 ماگيسترالدى كوشەسىنە ورتاشا جوندەۋ جۇرگىزۋ جوسپارلانعان.

سوڭعى جاڭالىقتار

ۇقساس جاڭالىقتار