سقو اكىمى قۇمار اقساقالوۆ بۇل جايىندا ءوزىنىڭ الەۋمەتتىك جەلىدەگى پاراقشاسىندا حابارلادى.
«كوكتەمدە كوروناۆيرۋسپەن اۋىرىپ تۇردىم. بەلگىلى ءبىر ۋاقىت ءوتتى, سوندىقتان دارىگەرلەر ۆاكتسينا قابىلداۋعا كەڭەس بەردى. اۋىرماۋ ءۇشىن مەن وتباسىممەن ەكپە الۋدى شەشتىك. كەشە ۇلىم ەكپە الدى, ەرتەڭ ايەلىم ۆاكتسينا قابىلدايدى.
بۇگىن مەن «Sputnik V» ۆاكتسيناسىنىڭ ءبىرىنشى كومپونەنتىن الدىم. مەن بارلىعىن ەكپە الۋعا شاقىرامىن, بۇل قاۋىپتى ۆيرۋسپەن كۇرەسۋدىڭ ەڭ ءتيىمدى ءادىسى. اۋىرماڭىزدار!», دەپ جازدى قۇمار اقساقالوۆ.
