فوتو: pixabay.com
«اقمەشىت» گۋمانيتارلىق-تەحنيكالىق ينستيتۋتى باس ليتسەنزياسىنان ايىرىلدى. قر ءبىلىم جانە عىلىم مينيسترلىگى ءبىلىم جانە عىلىم ساپاسىن قامتاماسىز ەتۋ كوميتەتى جۇرگىزگەن قايتا تەكسەرۋ ناتيجەسى وسىنداي», دەپ حابارلايدى قر ءبىلىم جانە عىلىم مينيسترلىگىنىڭ ءباسپاسوز قىزمەتى.
بۇعان دەيىن ۋنيۆەرسيتەتتە تەكسەرۋ جۇرگىزىپ, ناتيجەسىندە كوميتەت قىزمەتكەرلەرى ءتۇرلى زاڭ بۇزۋشىلىقتاردى انىقتاعان. وقۋ ورنىنا بارلىق سايكەسسىزدىكتەردى جويۋعا ۋاقىت بەرىلدى.
«الايدا, ۋنيۆەرسيتەت ونى ءبىلىم بەرۋ قىزمەتىنىڭ ساپاسىن جاقسارتۋ ءۇشىن قاجەتتى جۇمىستاردى جۇرگىزۋدىڭ ورنىنا, سوت ءىسىن جۇرگىزۋگە جانە قر ءبىلىم جانە عىلىم مينيسترلىگى كوميتەتىنىڭ ارەكەتتەرىنە شاعىمدانۋعا جۇمسادى», دەپ جازىلعان حابارلامادا.
ء«بىز تەكسەرىستەردى ەلدەگى ءبىلىم مەن كادر ساپاسىن جاقسارتۋ ءۇشىن جۇرگىزەتىنىمىزدى ءتۇسىنۋ ماڭىزدى. سونىمەن بىرگە ءبىز جوعارى وقۋ ورىندارىن ليتسەنزيادان بىردەن ايىرمايمىز. كەمشىلىكتەردى جويۋعا ۋاقىت بەرەمىز. بىراق ولار مۇنى ىستەمەدى. وسىعان بايلانىستى ءبىز كەيىنىرەك قاتاڭ شارا قابىلداۋعا ءماجبۇر بولدىق. ۋنيۆەرسيتەتتەردىڭ وقۋ جاعدايىن, ءبىلىم بەرۋ باعدارلامالارىن جانە تۇتاستاي العاندا ستۋدەنتتەرگە بەلگىلى ءبىر ماماندىقتاردى ۇيرەتۋ ءتاسىلىن جاقسارتۋىن قامتاماسىز ەتۋ ماڭىزدى. اقمەشىت گۋمانيتارلىق-تەحنيكالىق ينستيتۋتىنا كەلەتىن بولساق, سوڭعى تەكسەرۋ اعىمداعى جىلدىڭ ماۋسىمىندا جۇرگىزىلگەن. بۇزۋشىلىقتار جويىلعان جوق. ءبىز ماتەريالدىق-تەحنيكالىق بازانىڭ السىزدىگى مەن وقۋ پروتسەسىن ۇيىمداستىرۋداعى ەلەۋلى كەمشىلىكتەر تۋرالى ايتىپ وتىرمىز. كەيبىر پاندەردى ءتيىستى ءبىلىمى مەن عىلىمي دارەجەسى جوق وقىتۋشىلار جۇرگىزگەن. وقۋ پروتسەسى مەرزىمىنەن بۇرىن اياقتالىپ, ستۋدەنتتەر ءبىلىم بەرۋ باعدارلامالارىن تولىق مەڭگەرە الماعان. قازىرگى كەزدە قالىپتاسقان تاجىريبە بويىنشا, ينستيتۋت ءبىزدىڭ ليتسەنزيانى قايتارىپ الۋ تۋرالى شەشىمىمىزگە قارسى شىعۋعا تىرىسۋدا», دەيدى قر ءبىلىم جانە عىلىم مينيسترلىگى ءبىلىم جانە عىلىم ساپاسىن قامتاماسىز ەتۋ كوميتەتىنىڭ توراعاسى گۇلزات كوبەنوۆا.
وقۋ ورنى جابىلعان جاعدايدا ستۋدەنتتەر باسقا وقۋ ورىندارىنا اۋىسا الادى.
ء«بىز ابيتۋريەنتتەر مەن اتا-انالاردى جوعارى وقۋ ورنىنا تاپسىرۋ كەزىندە بايىپتى بولۋعا شاقىرامىز. بەرىلگەن ءبىلىمنىڭ ساپاسىن, جۇمىسقا ورنالاسۋ پەرسپەكتيۆاسىن, ۋنيۆەرسيتەتتىڭ بەدەلى مەن رەيتينگىن ەسكەرۋ قاجەت. جوعارى وقۋ ورىندارىنىڭ رەيتينگىن قر ءبىلىم جانە عىلىم مينيسترلىگىنىڭ تاپسىرىسى بويىنشا «اتامەكەن» قر اەس جۇرگىزەدى», دەپ جازىلعان حابارلامادا.
