دوڭگەلەك ۇستەلدىڭ تەڭ مودەراتورى قر پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەسى, قوعام قايراتكەرى مۇرات ابەنوۆ بولدى.
شارا بارىسىندا گەوگرافيا جانە سۋ قاۋىپسىزدىگى ينستيتۋتى, قازاق سۋ شارۋاشىلىعى عىلىمي-زەرتتەۋ ينستيتۋتى, «استانا» حالىقارالىق عىلىمي كەشەنىنىڭ عالىمدارى بايانداما جاسادى. ول كليماتتىڭ وزگەرۋى مەن شارۋاشىلىق قىزمەتتىڭ بالقاش كولىنە اسەرى تۋرالى عىلىمي زەرتتەۋلەردىڭ ناتيجەسى جانە ىقتيمال ستسەناريى بار ەكونوميكالىق ارەكەتتەر تۋرالى بولدى.
دوڭگەلەك ۇستەلگە قاتىسۋشىلار ىلە-بالقاش وڭىرىندە رەسۋرس ۇنەمدەيتىن سۋارۋ تەحنولوگياسىن ەنگىزۋ جانە بالقاش كولىنە مەملەكەتتىك مونيتورينگ جۇرگىزۋ ماسەلەلەرىن تالقىلادى.
«بالقاش ساعاسى مەن كولدىڭ ءوزىن زەرتتەۋ ناتيجەلەرى ىلە-بالقاش ءوڭىرىنىڭ دامۋى ۇش كەزەڭگە بولىنەتىنىن كورسەتەدى: 1970 جىلعا دەيىن شارتتى تۇردە تابيعي, 1971 جىلدان 1990 جىلعا دەيىن تۇراقسىزدىق, 1991 جىلدان 2019 جىلعا دەيىن سالىستىرمالى تۇردە تۇراقتى. وسىلايشا, قازىرگى ۋاقىتتا ىلە-بالقاش وڭىرىندە سالىستىرمالى تۇردە تۇراقتى كەزەڭ ءوتىپ جاتىر. وسىعان وراي بالقاشتىڭ ارال تەڭىزىنىڭ تاعدىرىن قايتالاۋ قاۋپى جوق دەپ ايتۋعا بولادى», دەپ جازادى مينيسترلىكتىڭ ءباسپاسوز قىزمەتى.
قاتىسۋشىلار بالقاش كولىنىڭ ەكوجۇيەسىنە كەرى اسەرىن تيگىزبەي, ىلە-بالقاش وڭىرىندەگى حالىق پەن ايماقتىڭ ەكونوميكاسىن تۇراقتى تۇردە سۋمەن قامتاماسىز ەتۋ ءۇشىن شارالار قابىلداۋ قاجەت ەكەنىن اتاپ ءوتتى. ول ءۇشىن عالىمدار بالقاش كولىنىڭ وڭتايلى دەڭگەيىن نەگىزدەۋ, كولدەگى سۋ مەن تۇز الماسۋ پروتسەسىن باسقارۋ نەگىزدەرى, كولدىڭ ترانسشەكارالىق باسسەينىندەگى ىنتىماقتاستىقتىڭ ادىستەمەلىك نەگىزدەرى سىندى تاقىرىپتار بويىنشا قوسىمشا عىلىمي زەرتتەۋلەر جۇرگىزۋدى ۇسىندى
شارا سوڭىندا قر ەكولوگيا, گەولوگيا جانە تابيعي رەسۋرستار ۆيتسە-ءمينيسترى س.س.قوجانيازوۆ دوڭگەلەك ۇستەلدە ايتىلعان ۇسىنىستار بالقاش-الاكول باسسەينىنىڭ پروبلەمالىق ماسەلەلەرىن شەشۋ ءۇشىن قولدانىلاتىنىن اتاپ ءوتتى.
