تۇركىستان وبلىسىندا ەسىرتكى قىلمىسىنىڭ الدىن الۋ بويىنشا كۇندەلىكتى رەيدتىك جۇمىستار جۇرگىزىلۋدە.
وسى باعىتتاعى شارالاردى جۇرگىزۋ بارىسىندا تولەبي اۋدانىنداعى دەمالىس ورىندارىنىڭ بىرىندە ەر ادامنىڭ ارەكەتى پوليتسەيلەرگە كۇدىك تۋدىردى. ەر ادامدى ءتىنتۋ كەزىندە ونىڭ شالبارىنىڭ قالتاسىنان ەسىرتكىگە ۇقساس پاكەتكە ورالعان ءۇش زات تابىلدى. زاتتار تاركىلەنىپ, ساراپتاماعا جولداندى.
اتالعان فاكتى قر قك-ءنىڭ 296-بابى «ەسiرتكi, پسيحوتروپتىق زاتتاردى, سول تەكتەستەردى وتكىزۋ ماقساتىنسىز زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ» بويىنشا تىركەلدى.
ساراپتاما قورىتىندىسىنا سايكەس, تابىلعان ءزات ۇش گرامعا جۋىق «سينتەتيكالىق ەسىرتكى» بولىپ شىقتى. ۇستالعان ەر ادام شىمكەنت قالاسىنىڭ تۇرعىنى ەكەنى انىقتالدى. قازىرگى تاڭدا ونىڭ باسقا دا قىلمىستارعا قاتىستىلىعى تەكسەرىلۋدە. كۇدىكتى قاماۋعا الىندى.
