كوروناۆيرۋس • 05 تامىز، 2021

ساقتىق تالاپقا ساي ەمەس

31 رەت كورسەتىلدى

قازىرگى كەزدە ەلىمىزدە كوروناۆيرۋس ىندەتىن جۇقتىرعانداردىڭ سانى كۇن سايىن ارتىپ كەلەدى. جاھاندى جايلاعان قاۋىپتى ىندەت جامبىل وڭىرىنە دە وڭاي ءتيىپ وتىرعان جوق. ايماقتا كوروناۆيرۋستىڭ كۇن سايىن ءوسۋ دەرەگى تىركەلىپ، ناۋقاستار سانى ارتۋدا. وكىنىشكە قاراي، قاۋىپتى ىندەت سالدارىنان قايتىس بولىپ كەتكەندەر دە بار.

دەرەك بويىنشا، وبلىس اۋماعىندا قاۋىپتى ىندەتتىڭ 13 168، ال پنەۆمونيانىڭ 6 001 جاعدايى تىركەلگەن. وبلىستىق دەنساۋلىق ساقتاۋ باسقارماسىنىڭ سوڭعى تاراتقان اقپاراتى بويىنشا، ينفەكتسيالىق ستاتسيو­نارلاردا بۇگىنگى تاڭدا 3 490 توسەكتىك ورىن بار بولسا، ونىڭ بۇگىندە 2 156 ورنى نەمەسە 62 پايىزى تولىپ تۇر. ونىڭ ىشىندە رەانيماتسيادا 153 ناۋقاس ەم قابىلداۋدا. ال كارانتيندىك قۇرىلىمدارعا 66 تۇلعا ورنالاستىرىلعان.

وڭىردە ءورشىپ تۇرعان قاۋىپتى ىندەتتىڭ بەتىن قايتارۋ ماقساتىندا ءتۇرلى شارالار قابىلدانىپ، جۇمىستار اتقارىلۋدا. دارىگەرلەر ەلىمىزدە اۋرۋدىڭ ءوسۋىنىڭ بىردەن-ءبىر باستى سەبەبى «دەلتا» شتامى ەكەنىن ايتىپ جاتىر. بۇل رەتتە دارىگەرلەر اتالعان اۋرۋ ءتۇرىنىڭ دە قاۋىپتى ەكەنىن العا تارتىپ، مەيلىنشە ساقتانۋ كەرەك ەكەنىن ەسكەرتۋدە.

اتالعان اۋرۋ كلينيكاسىنىڭ ەرەكشەلىكتەرى – ينكۋباتسيالىق كەزەڭنىڭ 5 كۇنگە دەيىن قىسقارۋى ەكەن. ياعني ىشەك بەلگىلەرىنىڭ باسىمدىعى، ىندەتتىڭ تەز دامۋى، جاس ناۋقاستار سانىنىڭ كوبەيۋى، بالالار مەن جۇكتى ايەلدەر سىرقاتىنىڭ اۋىر اعىمى سياقتى بەلگىلەرى بار.

ء«ۇندىستاننىڭ كوروناۆيرۋس شتامى وكپەگە باسقالارعا قاراعاندا تەزىرەك اسەر ەتەدى. ءتىپتى العاشقى ءۇش كۇنىندە ناۋقاس جانساقتاۋ بولىمىندە بولۋى مۇمكىن. سوندىقتان بۇگىنگى تاڭدا ازاماتتاردان جەدەل رەسپيراتورلىق ۆيرۋستىق ينفەكتسيانىڭ مۇرىننىڭ بىتەلۋى، باستىڭ اۋرۋى، دەنە قىزۋىنىڭ كوتەرىلۋى، سۇيەكتەردىڭ سىرقىرۋى، شارشاعىشتىق سياقتى العاشقى بەلگىلەرى بايقالعان كەزدە ءاربىر ازاماتتان بارلىق جۇمىستى توقتاتىپ، ۇيدە قالىپ، مەديتسينالىق كومەككە جۇگىنۋى تالاپ ەتىلەدى. جاڭا شتامم اسقازان-ىشەك بۇزىلىستارىنىڭ پايدا بولۋى، تابەتتىڭ جوعالۋى، ءىشتىڭ اۋرۋى، قۇسۋ، ديارەيا، ەستۋ قابىلەتىنىڭ تومەندەۋى، بۋىنداردىڭ اۋرۋى سياقتى قوسىمشا بەلگىلەرمەن سيپاتتالادى. مۇنداي جاعدايدا تۇرعىلىقتى جەرىڭىز بويىنشا ەمحاناعا قوڭىراۋ شالۋ قاجەت»، دەيدى وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆ.

بۇگىندە قاۋىپتى ىندەتتەن قورعانۋدىڭ بىردەن-ءبىر جولى قوعامدىق ورىنداردا مەديتسينالىق ماسكا كيۋ، جەكە گيگيەنا تالاپتارىن ساقتاۋ، تويلار مەن مەرەكەلىك ءىس-شارالاردان باس تارتۋ ەكەنى ايتىلىپ كەلەدى. الايدا كوپشىلىك قاتاڭ تالاپتاردى ساقتاپ وتىرعان جوق. تاراز قالاسى قازىر قاۋىپتى ىندەت جۇقتىرۋ بويىنشا الدىڭعى قاتارعا شىعىپ كەتتى. وبلىس ورتالىعىندا وسى جىلدىڭ قاڭتار ايىنان بەرى 6 730 جاعداي تىركەلگەن. دەسە دە مۇندا توي جاساۋ توقتاماي تۇر. ماسەلەن، قالا بويىنشا 74 مەيرامحانا، 220 ءدامحانا، 75 سۋپەرماركەت پەن ساۋدا ورتالىعى، 645 ازىق-ت ۇلىك دۇكەنى، 19 ساۋدا بازارى، 63 قۇرىلىس دۇكەنى مەن 44 مونشا جۇمىس اتقارادى ەكەن.

ال تاراز قالاسى اكىمىنىڭ ورىنباسارى الماس سادۋباەۆتىڭ ايتۋىنشا، كارانتيندىك شەكتەۋ شارالارى باستالعاننان بەرى 468 اكىمشىلىك-قۇقىق بۇزۋشىلىق تۋرالى حاتتاما تولتىرىلىپ، 90 ملن 119 مىڭ 940 تەڭگە كولەمىندە ايىپپۇل سالىنعان. ونىڭ ىشىندە 7 زاڭدى تۇلعا، 202 جەكە كاسىپكەر مەن 259 جەكە تۇلعا بار.

 

جامبىل وبلىسى

 

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار