«وزىنەن كەيىن قوقىس تاستايتىندار ەڭ الدىمەن وسى اۋماقتاردىڭ تازالىعىنا جاۋاپتى مامانداردىڭ ەڭبەگىن باعالاسا دەيمىن. ءار ادام ءوزىن سىيلاسا, مۇنداي جاعدايعا جول بەرمەس ەدى. سوندىقتان دا بۇقارالىق اقپارات قۇرالدارى مەن الەۋمەتتىك جەلىلەر ارقىلى بارشا ماڭعىستاۋلىقتى, تۇرعىندار مەن قوناقتاردى اينالانى تازا ۇستاۋعا, قوقىستاردى شاشپاي, ارنايى ورىندارعا تاستاۋعا جانە ەكولوگيالىق مادەنيەتتى قالىپتاستىرۋعا شاقىرامىن. ەكولوگيالىق مادەنيەت ادامنىڭ سانا-سەزىمىن دامىتۋعا عانا ەمەس, سونىمەن قاتار مەملەكەتتىڭ ءال-اۋقاتىنىڭ وسۋىنە دە نەگىز بولادى», دەيدى ساعدات باتىربەك ۇلى.
ماڭعىستاۋ وبلىستىق ەكولوگيا دەپارتامەنتىنىڭ ءباسپاسوز قىزمەتىنىڭ ايتۋىنشا, دەمالىس ورىندارىن لاستاۋشىلاردى جاۋاپقا تارتۋ قۇزىرەتى پوليتسيا قىزمەتكەرلەرىنە بەرىلگەن. الداعى ۋاقىتتا ەكولوگتار ءتارتىپ ساقشىلارىمەن بىرلەسكەن رەيدتىك شارالار وتكىزۋدى جالعاستىرماقشى.
