TOKYO2020 • 04 تامىز، 2021

قازاقستان توكيو وليمپياداسىنىڭ ترانسلياتسياسى ءۇشىن قانشا قارجى تولەدى؟

67 رەت كورسەتىلدى

اقپارات جانە قوعامدىق دامۋ مينيسترلىگى قازاقستان وليمپيادا ويىندارىنىڭ ترانسلياتسياسى ءۇشىن 6،250 ميلليون دوللار تولەگەنىن مالىمدەدى، دە جازادى Egemen.kz informburo.kz-كە سىلتەمە جاساپ.

قازاقستان رەسپۋبليكاسى اقپارات جانە قوعامدىق دامۋ مينيسترلىگى «اق جول» فراكتسياسىنىڭ جەتەكشىسى ازات پەرۋاشەۆتىڭ دەپۋتاتتىق ساۋالىنا جاۋاپ بەردى. پەرۋاشەۆ وندا وليمپيادانىڭ العاشقى كۇندەرىندە قازاقستاندىق سپورتشىلاردىڭ ونەرى نەگە ترانسلياتسيالانباعانىن سۇراعان. 

ساۋالعا جاۋاپ رەتىندە مينيسترلىك قۇقىق يەلەنۋشىلەر 23 شىلدەدە وليمپيادا اشىلاتىن كۇنى، ترانسلياتسيانىڭ ليتسەنزيالىق قۇقىعىن ساتىپ الۋ باعاسىن تومەندەتۋگە كەلىسكەنىن ايتتى. جالپى سوماسى 6،25 ميلليون دوللاردى قۇرادى. اۆتورلىق قۇقىق يەلەرى تەحنيكالىق تالاپتاردى بەرۋدەن باس تارتتى، سوندىقتان دزيۋدوشى ەلدوس سمەتوۆتىڭ ونەرى كورسەتىلمەدى.

«24 شىلدە كۇنى كەشكە مينيسترلىك اۆتورلىق قۇقىق يەلەرىمەن جانە مەملەكەتتىك تەلەارنالارمەن بىرگە بارلىق تەحنيكالىق ماسەلەنى شەشكەنىن، بۇل وليمپيادا ويىندارىنىڭ ودان ءارى كورسەتىلىمى كەزىندە وتاندىق سپورتشىلاردىڭ ونەرىن ەركىن كورسەتۋگە مۇمكىندىك بەرەتىنىن اتاپ وتكەن ءجون»، دەدى مينيسترلىك ءوز جاۋابىندا.

سوڭعى جاڭالىقتار

ۇقساس جاڭالىقتار