ورىمدەي قىزداردىڭ ومىرلەرى تەمىر توردا ءوتىپ جاتقانى وكىنىشتى. سوڭى نەگە اكەلىپ سوعاتىنىن بىلە تۇرا نەگە وسىنداي ىسكە بارادى؟ مەكەمەنىڭ جەدەل ءبولىمى قىزمەتكەرلەرى تەمىر تورعا توعىتىلعان قىزداردىڭ بىرىنەن مۇنداي ارەكەتكە قالاي بارعاندىعى تۋرالى سۇراعان. نەگە دەگەندە, وسىنى وقىپ وتىرعان جاستارعا وي سالسىن, ونداي ىسكە ارالاسپاسىن دەگەن ماقساتتا.
– مەن 21 جاستامىن. قازىرگى ۋاقىتتا جاستاردىڭ كوبى بۋكمەكەرلىك كومپانيالاردا ستاۆكالار قويادى. جەڭىسكە جەتكەن سايىن, باۋراي باستايدى. بىردە ۇلكەن اقشا جوعالتتىم. بۇل تۋرالى اتا-اناما ايتۋعا قورىقتىم. قالا كوشەلەرىن كەزىپ ءجۇرىپ, «كۋرەر قاجەت, جۇمىس كەستەسى جىلجىمالى, جالاقىسى جوعارى» دەگەن ءۇيدىڭ قابىرعاسىنا جابىستىرىلعان حابارلاندىرۋعا كوزىم ءتۇستى. قۋانىپ كەتىپ, كورسەتىلگەن نومىرگە قوڭىراۋ شالدىم. الايدا, جۇمىستىڭ نەگە اپارىپ سوعارىن بىلمەگەن ەدىم. تۇسىنگەنىم, سينتەتيكالىق ەسىرتكى زاتتارىن ءبىر جەردەن ەكىنشى جەرگە اپارۋىم كەرەك ەكەن. بار ويىم, اقشا تاۋىپ, قارىزىمدى جاۋىپ, كەيىن كۋرەر جۇمىسىنان باس تارتامىن دەپ ويلادىم. ءبىراز كۋرەرمەن جۇمىس ىستەگەننەن كەيىن, ەسىرتكى زاتتارىن سالۋ كەزىندە پوليتسياعا ۇستالدىم. بۇل مەكەمەگە تۇسكەندە, جاستىق شاعىم تەمىر توردا وتەتىنىن ءبىلدىم. وكىنىشتىسى, 297-باپ 3-ءبولىم بويىنشا, ەڭ از دەگەندە 10 جىل باس بوستاندىعىنان ايىرۋ جازاسىن الدىم. ەگەر ۋاقىتتى قايتارسا, مەن ەسىرتكى قۇرالدارىن تاسىمالداماس ەدىم, – دەيدى سوتتى بولعان ازاماتشا.
مۇنداي وقيعا قانشاما؟! وسى ماقالانى وقىعان جاستار جازا باسىپ, جازالانىپ جۇرمەيدى دەپ ۇمىتتەنەدى مەكەمە قىزمەتكەرلەرى.
