تەحنولوگيا • 04 تامىز، 2021

يننوۆاتسيالىق جوبالار بايقاۋى

116 رەت كورسەتىلدى

«QazInnovations يننوۆاتسيالاردى دامىتۋ جونىندەگى ۇلتتىق اگەنتتىگى» اق تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ قولداۋىمەن تەحنولوگيالاردى كوممەرتسيالاۋعا ارنالعان يننوۆاتسيالىق گرانتتارعا بايلانىستى ەكىنشى كونكۋرسقا وتىنىمدەر قابىلداۋ باستالعانىن حابارلايدى.

وتىنىمدەردى قابىلداۋ 10-23 تامىز ارالىعىندا https://qazinn.kz/ پورتالىندا جۇزەگە اسىرىلادى. بۇل رەتتە قاناتقاقتى جوبانىڭ قورىتىندىسى بويىنشا تەحنولوگيالاردى كوممەرتسيالاۋعا ارنالعان يننوۆاتسيالىق گرانتتار بەرۋ قاعيدالارى قايتا قارالىپ، وزگەرتىلەتىنىن ايتا كەتكەن ءجون.

بايقاۋعا قاتىسۋ ءۇشىن اكسەلەراتسيالىق باعدارلامالاردان ءساتتى وتكەنى تۋرالى سەرتيفيكاتتىڭ بولۋى قاجەت. سونىمەن قاتار بۇدان بىلاي ەكىنشى جانە ءۇشىنشى ساتىعا ىرىكتەۋ كونكۋرسىنا جىبەرۋ ءۇشىن ءبىرىنشى ساتىدان ءوتۋ قاجەتتى شارت سانالادى.

«سونداي-اق قارجىلاندىرۋ شارتتارى دا وزگەرتىلدى. ايتالىق، ءبىرىنشى ساتىنى ىسكە اسىرۋعا ارنالعان يننوۆاتسيالىق گرانتتىڭ شەكتى سوماسى 20 ملن تەڭگە جانە ىسكە اسىرۋ مەرزىمى 6 ايدان اسپاۋى ءتيىس. ەكىنشى جانە ءۇشىنشى ساتىلارعا قاراستىرىلعان يننوۆاتسيالىق گرانتتىڭ كولەمى 80 ملن تەڭگە، ىسكە اسىرۋ مەرزىمى 12 جانە 9 ايدى قۇرايدى. ۇمىتكەرلەرگە قولايلى بولۋ ءۇشىن ۇنەمى Community QazInnovations كەڭەس بەرۋ Telegram ارناسى جۇمىس ىستەيدى»، دەدى بايقاۋدىڭ ۇيىمداستىرۋشىلارى.

بۇعان قوسا ءار دۇيسەنبى، سارسەنبى جانە جۇما كۇندەرى ءتۇسىندىرۋ مەن كەڭەس بەرۋ جۇمىستارىن جۇزەگە اسىرىپ، كەرى بايلانىس ورناتۋ ماقساتىندا ZOOM الاڭىندا ونلاين كونفەرەنتسيالار وتكىزىلەدى. ەس­كەرتە كەتەتىن جايت، ءوتىنىم بەرۋشى گرانت­تىق قارجىلاندىرۋ جونىندەگى ك­ە­ڭەس­تىڭ مۇشەلەرىمەن، سونداي-اق بايقاۋ وپە­راتورىنىڭ قىزمەتكەرلەرىمەن اۋىزشا، جازباشا، تەلەفون ارقىلى سويلەسۋگە جانە رەسمي كونسۋلتاتسيالىق كەڭەستى قوسپاعاندا بايلانىس جاساۋعا قۇقىعى جوق. مۇنداي ارەكەت گرانت بەرۋ جونىندەگى شەشىمگە ىقپال ەتۋ تالپىنىسى رەتىندە باعالانادى. ەگەر وسىنداي ارەكەت انىقتالسا، ءوتىنىش بەرۋشىنىڭ جوباسى كونكۋرستان شىعارىلىپ، جاۋاپسىز قاتىسۋشىلار تىزىمىنە ەنگىزىلىپ، وپەراتوردىڭ سايتىندا جاريالانادى.

 

سوڭعى جاڭالىقتار

ءادىل قازى – قوعامنىڭ قۇتى

ساياسات • بۇگىن، 00:16

باستى ماقسات – قۇقىقتىق قولداۋ

ساياسات • بۇگىن، 00:15

قىلمىستى قۇرىقتاۋ كەزەڭى

قوعام • بۇگىن، 00:11

ەلگە كەلگەندەردىڭ ەسەبى بار

قوعام • بۇگىن، 00:08

قانداستىڭ باسىن قوسقان جيىن

قازاقستان • بۇگىن، 00:05

الەمنىڭ اۋەزوۆى

ادەبيەت • بۇگىن، 00:03

تۇگەل تۇركىنىڭ تۇلعاسى

قازاقستان • بۇگىن، 00:01

بولات جولدىڭ مايتالمانى

قازاقستان • كەشە

ايۋحانوۆتىڭ ارمانى

تەاتر • كەشە

زاماناۋي كىتاپحانا

سۇحبات • كەشە

تسيفرلىق تاڭبالاۋ جۇيەسى

قازاقستان • كەشە

كولىكتەر QR-كود تاعادى

قازاقستان • كەشە

جول جوندەلسە، ىسكە سەپ

ايماقتار • كەشە

ۇقساس جاڭالىقتار