ەكولوگيا • 04 تامىز، 2021

شايتانكولگە شاڭ جۋىتپايدى

99 رەت كورسەتىلدى

تاۋ باسىنداعى تاڭعاجايىپ شايتانكولدىڭ جاعاسىنا قالايشا قوقىس شاشىپ كەتۋگە بولادى؟ وكىنىشكە قاراي، كەيىنگى كەزدەرى كوزدىڭ جاسىنداي كولدى تاماشالاۋعا كەلگەن تۋريستەر تازالىق دەگەنگە ءمان بەرمەيتىن بولىپتى.

مىنە، وسى ايتىلعان كەم­شىلىكتى جويۋ ماقساتىندا قار­قارالى جاستار رەسۋرستىق ور­تالىعى باستاما كوتەرىپ، ەرىك­تىلەر تابيعاتتىڭ تازالىعى ءۇشىن كۇرەسكە شىقتى. ەرىكتىلەردىڭ تۋعان جەرگە دەگەن پەرزەنتتىك سۇيىسپەنشىلىگى ءتانتى ەتەدى.

– شايتانكول – قارقارالى اۋدانىنىڭ ءىنجۋ-مارجانى. جىل سايىن كولدىڭ جاعاسىندا جۇز­دەگەن تۋريست بولادى. وكىنىشكە قاراي، ولار كوبىنەسە وزدەرىنەن كەيىن قوقىس تاستاپ كەتەدى. ءبىز مۇنى كورە تۇرا، قول قۋسىرىپ وتىرا المايمىز. سوندىقتان قوقىستى ءوز كۇشىمىزبەن جيناۋ­دى ءجون كوردىك، – دەيدى ولار.

شايتانكولدىڭ جاعالاۋ اۋما­عىن تازارتۋ جۇ­مىس­تارىنا JasStar ەرىكتىلەر جاساعىنىڭ ۆولون­تەرلەرى جانە «جاسىل ەل» جاستار وتريادىنىڭ ساربازدارى بار، بارلىعى 15 جاس اتسالىستى.

قارقارالى اۋدانىنىڭ جاس­تار رەسۋرستىق ور­تالىعىنىڭ ديرەكتورى ەرسايىن قوبلاندى ەرىك­تىلەردىڭ ارقاسىندا كول اۋماعىنىڭ قوقىستان تازارىپ، ءوزىنىڭ تازا تابيعي كەيپىنە قايتا ورال­عانىن ماقتانىشپەن ايتادى. جاستار الداعى ۋاقىت­تا دا قارقارالىداعى كوزدىڭ جاۋىن الار سۇلۋ­لىقتىڭ تازالاعىن ءجىتى نازاردا ۇستايمىز دەپ وتىر.

 

قاراعاندى وبلىسى،

قارقارالى اۋدانى

 

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار