«ەلىمىزدە قۇرىلىس نىساندارىنىڭ سالىنۋ بارىسىنىڭ اشىقتىعىنا قاتىستى سۇراقتار كوپ. كوپ ادامدار قۇرىلىستىڭ قالاي ءجۇرىپ جاتقانىن, وعان قانداي ماتەريالدار قولدىنىلىپ جانە قانشا تۇراتىنىن بىلە قويمايدى. قازىرگى ۋاقىتتا نىساننىڭ سالىنۋ بارىسى جۋرنالعا تىركەلىپ, سول جەرگە جازىلادى. ياعني بار قولمەن جازىلىپ كورسەتىلەدى. مەملەكەتتىك باعدارلاما نەمەسە مەملەكەتتىك تاپسىرىس اياسىندا تۇرعىزىلىپ جاتقان قۇرىلىس ناسىندارىنىڭ اشىقتىعىن جاريا ەتۋ ماقساتىندا «ە-Qurylys» اقپاراتتىق جۇيەسى ازىرلەندى.
قۇرىلىس نىسانىنا جۇمسالعان ءاربىر تەڭگە Blockchain-پلاتفورماسى ارقىلى اقپاراتتىق جۇيەدە كورىنىپ تۇرادى. ناتيجەسىندە بيۋدجەتتەن جۇمسالعان قارجىنىڭ اشىقتىعىنا كوز جەتكىزۋ مۇمكىندىگى تۋادى», دەدى ق. وسكەنباەۆ ءباسپاسوز ءماسليحاتىندا.
ۆيتسە-ءمينيستردىڭ ايتۋىنشا, بۇگىندە جاڭا جۇيە مەملەكەتتىك باعدارلاما اياسىندا سالىنىپ جاتقان قۇرىلىس نىساندارىندا قولدانىلادى. ال تولىقتاي «ە-Qurylys» اقپاراتتىق جۇيەسى كەلەسى جىلدان باستاپ ىسكە قوسىلادى.
«سونىمەن قاتار اقپاراتتىق جۇيەدە قولدانىلىپ جاتقان قۇرىلىس ماتەريالدارىنىڭ ءتىزىمى, باعاسى مەن ونىڭ سيپاتتاماسى كورىنىپ تۇرادى. وسىلايشا قۇرىلىس سالاسىن اۆتوماتتاندىرا وتىرىپ, اشىقتىقتى قامتاماسىز ەتپەكپىز», دەيدى ول.
