ايماقتار • 02 تامىز، 2021

كوكشەدە « ۇلى دالا رۋحى» دۇبىرلەدى

68 رەت كورسەتىلدى

ۇلتتىق سپورت تۇرلەرىنەن تاۋەلسىزدىكتىڭ 30 جىلدىعى اياسىندا رەسپۋبليكالىق « ۇلى دالا رۋحى» فەستيۆالى باستالدى. ءتول سپورتىمىزدىڭ كوكپار، بايگە، تەڭگە ءىلۋ، اۋدارىسپاق، جامبى اتۋ، قازاق كۇرەسى، توعىزقۇمالاق، اسىق اتۋ سىندى تۇرىنەن وتەتىن جارىس كوماندالىق ءتارتىپپەن جۇرگىزىلۋدە، دەپ حابارلايدى Egemen.kz.

ەكى ايدان استام ۋاقىتقا سوزىلادى دەپ جوسپارلانعان فەستيۆال II كەزەڭگە بولىنگەن. العاشقى كەزەڭ باسەكەسى ەلىمىزدىڭ ءتورت وبلىسىندا وتەدى. تاۋدا العاشقى كەزەڭنىڭ العاشقى سايىستارى كوكشەتاۋ قالاسىندا باستالىپ تا كەتتى. 28-30 شىلدە كۇندەرى كوكپار، قازاق كۇرەسى، توعىزقۇمالاق، اسىق اتۋ، اۋدارىسپاق، جامبى اتۋ، تەڭگە ءىلۋ سىندى سپورت تۇرلەرى بويىنشا ىرىكتەۋ جارىستارى ءوتتى.

وتىز جىلدىق تورقالى تويعا ورايلاستىرىلعان ۇلانعايىر سپورت شاراسىن ۇيىمداستىرۋعا ءمادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنە قاراستى «ۇلتتىق جانە ات سپورتى تۇرلەرى ورتالىعى» رمقك مۇرىندىق بولىپ وتىرعانىن دا ايتا كەتەيىك.

سونىمەن، ەلىمىزدىڭ سولتۇستىك ايماعىن قامتيتىن العاشقى ىرىكتەۋ جارىستارىنا نۇر-سۇلتان قالاسى، اقمولا وبلىسى، قوستاناي وبلىسى، سولتۇستىك قازاقستان وبلىستارىنان 180 سپورتشىقاتىستى. ءۇش كۇنگە سوزىلعان جارىس ناتيجەسىندە كوكپاردان – اقمولا وبلىسىنىڭ، اۋدارىسپاقتان – نۇر-سۇلتان قالاسىنىڭ سپورتشىلارى جەڭىمپاز اتاندى. جامبى اتۋدان تاعى دا اقمولالىقمەرگەندەردىڭ باعى جاندى. تەڭگە ىلۋدەن – سولتۇستىك قازاقستان، اسىق اتۋدان – اقمولا وبلىسى، توعىزقۇمالاقتان جانە قازاقشا كۇرەستەن – نۇر-سۇلتان قالاسى جىگىتتەرى جەڭىمپاز اتاندى.

ايتا كەتەيىك، ايماقتارداعى ىرىكتەۋ جارىستارىندا ەلىمىزدەگى 14 وبلىس، 3 قالانىڭ كوماندالارى باق سىنايدى. ءۇزدىك شىققان كوماندالار فەستيۆالدىڭ II كەزەڭىندە، ياعنيفينالدا ونەر كورسەتەدى.

ۇلتتىق سپورت

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار