سپورت • 02 تامىز، 2021

كونور ماكگرەگور كەلەسى جەكپە-جەگىن مۇگەدەكتەر ارباسىندا وتكىزەدى

83 رەت كورسەتىلدى

UFC-ءتىڭ بۇرىنعى چەمپيونى كونور ماكگرەگور يرلانديالىق پاروديست ەل فورلانعا قارسى جەكپە-جەگىن اربادا وتكىزەتىنىن مالىمدەدى، دەپ حابارلايدى Egemen.kz Sports.kz-كە سىلتەمە جاساپ.

مۇگەدەك كوميك ستيۆو تيموتي 11 قىركۇيەكتە يرلانديادا وتەتىن بوكس كەشىن ۇيىمداستىردى. كەشتىڭ باستى جەكپە-جەگىندە ستيۆو ءتيموتيدىڭ ءوزى، ال كەيىنگى جەكپە-جەكتە فورمان مەن ماكگرەگور شارشى الاڭعا شىقپاق.

جەكپە-جەك ستاندارتتى بوكس ەرەجەلەرى بويىنشا وتەدى. كەشتەن جينالعان بارلىق قاراجات يرلانديانىڭ اربامەن جۇرەتىن مۇگەدەكتەر قاۋىمداستىعىنا وتكىزىلەدى.

10 شىلدەدەن 11 شىلدەگە قاراعان ءتۇنى UFC 264 ارالاس جەكپە-جەك ءتۋرنيرى ءوتتى، ونىڭ باستى جەكپە-جەگىندە ماكگرەگور مەن امەريكاندىق داستين پورە كۇرەسكەن. ماكگرەگور اياعىن سىندىرعاننان كەيىن اقش وكىلى ءبىرىنشى راۋندتا جەڭىسكە جەتتى.

بۇل ماكگرەگور مەن پورتەردىڭ ءۇشىنشى جەكپە-جەگى بولدى. 2014 جىلدىڭ قىركۇيەگىندە وتكەن العاشقى جەكپە-جەكتە يرلانديالىق ءبىرىنشى راۋندتا امەريكالىقتى نوكاۋتقا ءتۇسىردى. 2021 جىلدىڭ قاڭتارىندا وتكەن ەكىنشى جەكپە-جەكتە داستين ەكىنشى راۋندتا كوننوردى نوكاۋتقا ءتۇسىرىپ، ەسە قايتاردى.

سوڭعى جاڭالىقتار

ۇقساس جاڭالىقتار